Kezdesýdiń maqsaty – aımaǵymyzdaǵy medıasııa ınstıtýttarynyń qyzmetin jetildirý, onyń tıimdiligi, kúsh pen ýaqytty únemdeý, shıelenisterdi sheshýdiń tıimdiligin túsindirý, otbasy, eńbek qatynastary jáne daýly máselelerdiń aldyn alý, sonymen qatar stýdentterge quqyqtyq, áleýmettik máseleler boıynsha keńes berý.
Is-sharaǵa «Ádildik joly» RQB-niń Qyzylorda oblystyq fılıalynyń tóraǵasy, oblystyq QHA janyndaǵy medıatorlar keńesiniń tóraǵasy, Halyqaralyq dárejedegi trener-medıator Lázzat Baqtybaeva, oblystyq qoǵamdyq damý basqarmasynyń «Qoǵamdyq kelisim» KMM bólim basshysy, medıasııa kabınetiniń úılestirýshisi Shahızat Abdramanova qatysyp, óńirdegi medıasııa salasy men qoǵamdyq kelisimdi saqtaý, Ulttyq quryltaıdyń úshinshi otyrysynda kóterilgen jas urpaqtyń qaýipsiz ortada ómir súrýi, adal eńbek, adal tabys jaıynda sóz sóıledi. О́z kezeginde Lázzat Shaızadaqyzy medıasııa salasyndaǵy jańashyldyqtarǵa toqtalyp ótti.
«Medıasıanyń negizgi maqsaty – bir ret shalys basqan, halyqtyq qoǵamda ómir súrip jatqan azamattardy týra jolǵa baǵyttaý. О́mirinde bir ret qatelik jasaǵan jandarǵa múmkindik bere otyryp, olardy qalypty jaǵdaıǵa túsirý. Iаǵnı medıasııanyń tetikterin utymdy paıdalana bilsek, qyzmette, qoǵamda oryn alatyn daýlardy eki tarapqa da ońtaıly rettesek, ishki birlikti bekemdeı alamyz. Qazirgi kúni otbasylardyń basym bóliginde qarjylyq qıynshylyqtar bar. Máselen, nesıe, kommýnaldyq tólemder tóleı almaı, qaıtara almaı qınalyp júrgen otbasylar kóp. Osy máselelerdiń barlyǵyn medıasııa tártibimen sheshe alamyz. Nesıeni ýaqtyly qaıtara almaǵan jaǵdaıda, medıasııa tártibimen paıyzsyz qaıtarýǵa múmkindikter de qarastyrylyp otyr. О́zderińizge málim, shet memkeletterde erli-zaıyptylar neke sharttaryna otyrady. Elimiz zańnamasynda bul kózdelgenimen, tájirıbe júzinde qoldanylmaıdy. Dese de azamattardyń arasynda nekege turǵan ýaqytta arnaıy kelisimsharttar bolǵan jaǵdaıda, medıasııa tártibimen rastaýǵa múmkindikter bar. Medıasııamen kelisimge kelgen soń, eki tarap ózderine mindetteme alady. Al mindettemeni oryndamaǵan jaǵdaıda sotqa júginýge tolyq negiz bar», dedi.
Sondaı-aq qazirgi tańdaǵy medıasııa jumysymen tanystyryp, jastarǵa medıasııanyń múmkindigin túsindirip, qandaı da bir daýly máseleler týyndasa quqyqtyq keńes beriletindigin, qoǵamdyq kezdesýler ótkizip, áleýmettik máselelerin sheshýge, medıasııa kezinde taraptar ókilderiniń arasynda qalypty qarym-qatynastardy saqtap, kúsh pen ýaqytty únemdeý múmkindigi áldeqaıda joǵary ekenin, otbasylyq sottaǵy ózgerister men medıasııa salasyndaǵy jańashyldyqtardy atap ótti.
Sonymen birge stýdentter qoıǵan saýaldarǵa jaýap bere otyryp, búgingi kúni medıasııaǵa júginýshiler sany birneshe esege óskendigin alǵa tartty.
