Foto: ANTIKOR
«Almaty Sý» ShJQ MKK bas dırektorynyń orynbasary aýyr jemqorlyq qylmys jasady dep aıyptalyp jatyr.
Ol jergilikti kásipkerden oryndalǵan jumystardyń aktilerine qol qoıǵany jáne jasalǵan memlekettik satyp alý sharttary boıynsha aqshalaı qarajat tólegeni úshin 345 mln teńge kólemindegi buryn kelisilgen somadan 75 mln teńge alǵan.
Qyzylorda oblystyq kásipkerlik jáne ónerkásip basqarmasynyń basshysy da jalpy qamqorlyǵy men kelisimshartty uzartýǵa jáne jer qoınaýyn óndirý kólemin ulǵaıtý ruqsatyna qol qoıǵany úshin aıtarlyqtaı mólsherde para aldy degen kúdikpen ustaldy.
«Kúdiktilerge qatysty sottyń sanksııasymen «qamaýda ustaý» túrindegi bultartpaý sharasy qoldanyldy. Atalǵan ister boıynsha tergeý jalǵasyp jatyr. Qylmystyq-prosestik kodeksiniń 201-babyna sáıkes ózge aqparat jarııa etilmeıdi», dep jazdy Antıkordyń baspasóz qyzmeti.
Aıta keteıik, Sybaılas jemqorlyqqa qarsy qyzmet osy jyldyń basynan beri «Bızneske jol» jobasy aıasynda 43 problemalyq keısti sheship, 5 myń kásipkerdiń quqyǵyn qorǵaǵan.
