Geodezıster – tasqyn aımaǵynda

Sıfrlyq damý, ınnova­sııalar jáne aeroǵarysh óner­­kásibi mınıstri Baǵdat Mýsınniń tapsyrmasymen Batys Qazaq­stan, Atyraý, Pavlodar oblys­ta­ryndaǵy «Ulttyq geodezııa jáne keńistiktik aqparat ortalyǵy» RMK jáne jeke geo­dezııalyq kompanııalardyń mamandary arasynan shtabtar uıym­das­ty­ryl­ǵan.

Tájirıbeli geodezııashylar Batys Qazaqstan, Atyraý oblystaryndaǵy Oral, Atyraý qalalarynda, Iаnvarsevo, Kóshim, Taıpaq, Inderbor, Mahambet, Erkinqala, Jańatalap aýyldarynda 8 ólsheý beketinde geo­de­zııalyq ólsheý jumystaryn jedel júrgizgen. Sondaı-aq olar Pavlodardaǵy Ertis ózeninde 6 baqylaý-ólsheý stansasyn úı­lestirýge kirisken.

Kásibı mamandar Jaıyq ózeni boıyndaǵy avtomobıl joldarynyń úıindilerin, bóget­tiń joǵarǵy jaǵyn, sý basý qaýpi bar aımaqtardy qorǵaý úshin ornatylǵan qorshaý úıindileri men qurylystardy ólsheıdi. Sala mamandarynyń kúshimen synı núkteler men qorǵalmaǵan ýchas­keler aıqyndalǵan. Endi olardy nyǵaıtyp, qosymsha qorǵanysh úıindilerin ornatý qajet.

Bir sózben aıtqanda, Ulttyq geodezııa jáne keńistiktik aq­parat ortalyǵynyń maman­dary Tótenshe jaǵdaılar mınıs­tr­ligimen, jergilikti atqarý­shy or­gandarmen birlesip, tasqynǵa qar­sy is-sharalarǵa belsendi aralasady.