Kollajdy jasaǵan – Almas MANAP, «EQ»
Qarjy mınıstri Mádı Tákıev «Qazaqstan Respýblıkasynyń óńirlerinde sý tasqynynan zardap shekken adamdar úshin salyqtyq ákimshilendirýdi retteýdiń ózge tártibin belgileý týraly» buıryqqa qol qoıyp, qoldanysqa engizdi. Jeńildikti ákimdikte sý tasqynynan zardap shekkenderdiń tizimine engender qoldana alady. Salyq tóleý merzimi 2024 jyldyń 1 shildesine deıin uzartyldy.
Memlekettik kirister komıtetiniń baspasóz qyzmeti tóleý merzimi 2024 jylǵy 1 naýryzynan 30 maýsymǵa deıingi kezeńde bastalatyn barlyq salyq jáne bıýdjetke tólenetin basqa da mindetti tólemder, sondaı-aq áleýmettik tólemder boıynsha tóleý keıinge shegerilgenin habarlady. Sondaı-aq osy atalǵan kezeńdegi salyq eseptiligin tapsyrý merzimderi uzartyldy. Merziminde oryndalmaǵan salyq mindettemesiniń oryndalýyn qamtamasyz etý jáne salyq bereshegin májbúrlep óndirip alý sharalaryn júzege asyrý da ýaqytsha toqtatylady. Buǵan qosa kameralyq baqylaý nátıjeleri boıynsha habarlamany oryndaý ýaqyty da shegerilmek. Salyqtyq tekserýler (keshendi, taqyryptyq, qarsy, hronometrajdyq zerttep-qaraý) toqtatyla turady, bul rette toqtata turý merzimi tekserý merzimine jáne talap qoıý merzimine kirmeıdi.
Sonymen qatar zardap shekken adamdarǵa qatysty jańadan salyqtyq tekserýdi taǵaıyndaý da bolmaıdy. Odan bólek, ýaqtyly tólenbegen salyqtar boıynsha 2024 jylǵy 1 naýryzdan 1 shildege deıin ósimpuldy esepteý ýaqytsha toqtatylady. Bul ózgeristiń bári 2024 jylǵy 1 naýryzdan bastap týyndaǵan quqyqtyq qatynastarǵa qoldanylady. Salyq tóleýshilerge jeńildiktiń ıgiligin kórý úshin memlekettik kirister organdaryna barýdyń qajeti joq, zardap shekkenderdiń tizimi ákimdikterden alynady.
Eńbek jáne halyqty áleýmettik qorǵaý mınıstrligi tótenshe jaǵdaı jarııalanǵan aýdandar men qalalardaǵy sýbsıdııalanatyn jumys oryndaryna ornalasqan azamattardyń jalaqysy saqtalatynyn habarlady. Al jastarǵa jeńildetilgen mıkrokredıt berý baǵdarlamasy boıynsha nesıe alǵan azamattardyń tólemderi keıinge shegeriledi.
Atalǵan mınıstrliktiń baspasóz hatshysy Madııar Ýaqpaevtyń aıtýynsha, sýbsıdııalanatyn oryndarǵa azamattardy eńbek mobıldiligi ortalyqtarymen jasasqan shart negizinde ornalastyrady. Búginde jumyssyzdardyń bilim deńgeıi men jasyna qaraı sýbsıdııalanatyn jumys oryndary alty baǵytta júzege asyrylady: qoǵamdyq jumystar, jastar praktıkasy, áleýmettik jumys oryndary, «Alǵashqy jumys orny», «Urpaqtar kelisimsharty» jáne «Kúmis jas» jobalary.
Tótenshe jaǵdaı kezinde sýbsıdııalanatyn jumys oryndaryna qabyldanǵan adamdardyń jalaqysy eńbek mobıldiligi ortalyǵy jumys berýshilerden málimetter talap etpeı tólenedi. Tótenshe jaǵdaı jarııalanǵan óńirlerde turatyn, bıylǵa deıin jastarǵa jeńildetilgen mıkrokredıt berý baǵdarlamasy boıynsha nesıe alǵan azamattardyń tólemderi de keıinge shegeriledi. Iаǵnı 2024 jylǵy kestege sáıkes ótelýge tıis tólemder 2025 jyldan bastap qarjylandyrý merziminiń sońyna deıingi tólemderge birkelki úlespen bólinedi. Budan ózge de memlekettik qoldaý kórsetiledi. О́ńirlerdegi sý tasqyny jaǵdaıyna baılanysty jańa bıznes-ıdeıalardy iske asyrýǵa arnalǵan granttarǵa ótinish qabyldaýdyń birinshi legi keıinge shegerildi. О́tinimderdi qabyldaýdyń merzimi qosymsha habarlanady. Bıyl respýblıka boıynsha 9 myń grant berý josparlanǵan.
Tótenshe jaǵdaı rejimi jarııalanǵan 10 oblystaǵy aýdandar men qalalarda turatyn turǵyndar arasynda ataýly áleýmettik kómek alýshylarǵa II toqsanda da tólem avtomatty túrde túsedi. Iаǵnı olar tabanynan taýsylyp memlekettik mekemelerge qaıta qujat ótkizip, áýre-sarsańǵa túspeıdi. Osy sharýany iske asyrý maqsatynda Eńbek jáne halyqty áleýmettik qorǵaý mınıstrligi normatıvtik quqyqtyq aktilerge qajetti ózgerister engizbek. Osylaısha, qyzyl sýdan zardap shekken óńirlerdegi ataýly áleýmettik kómek alýshy otbasylarǵa memlekettiń qoldaýy ýaqtyly kórsetiledi. Al ataýly áleýmettik kómekti alýǵa alǵash ret ótinish bergisi keletin azamattar elektrondyq úkimet portalyna júginedi. Elimizde óńirdegi eń tómengi kúnkóris deńgeıiniń 70%-ynan aspaıtyn azamattarǵa toqsan saıyn áleýmettik kómek taǵaıyndalady. Bıylǵy I toqsanda 58,8 myń otbasy, ıaǵnı 312 myń adamǵa AÁK tólenýi úshin 7,8 mlrd teńge jumsaldy.
«Sý basyp, tótenshe jaǵdaı jarııalanǵan óńirde turatyn múgedektigi bar azamattarǵa da 2024 jyldyń II toqsanynda qaıta kýálandyrýǵa tıisti birneshe qyzmet túriniń merzimi avtomatty túrde uzartylady. Buǵan múgedektik merzimderi, jalpy eńbekke qabilettiliginen aıyrylý dárejesi, kásiptik eńbekke qabilettiliginen aıyrylý dárejesi jáne ońaltýdyń jeke baǵdarlamalary jatady. Bul rette memlekettik járdemaqylardy tóleý buryn belgilengen múgedektik toby boıynsha júzege asyrylady», dedi M.Ýaqpaev.
