Kún tártibinde saýda-ekonomıkalyq jáne ınvestısııalyq yntymaqtastyq máseleleri qaralyp, sý resýrstaryn basqarý jáne aýyl sharýashylyǵyn damytý salasyndaǵy birlesken jumystyń perspektıvalary belgilendi.
Úkimet basshysy elimizde bolǵan sý tasqyny jaǵdaıy aıasynda turaqty sý ınfraqurylymyn damytý úshin EO elderimen áriptestikti keńeıtýdiń mańyzdylyǵy men qajettiligin atap ótti.
«Tabıǵı apattyń aýqymy men saldary bizden resýrstardy durys paıdalaný jáne bolashaqta osyndaı jaǵdaılardyń aldyn alý úshin túbegeıli jańa tásilder qabyldaýdy talap etedi. Bul máselede bizdi Eýropa elderi men kompanııalarynyń ozyq tájirıbeleri men ázirlemeleri erekshe qyzyqtyrady. Qazaqstan Úkimetiniń kúsh-jigerin Eýroodaqtyń qoldaý baǵdarlamalarymen úılestirý mańyzdy», dep atap ótti O.Bektenov.
Búginde Úkimet Sý resýrstaryn basqarý júıesin damytý tujyrymdamasyn qabyldady. Ony júzege asyrý nátıjesinde sýdy tasymaldaýda ysyrap azaıady, sýarmaly jerlerdiń jaǵdaıyn baqylaý júıesi jetildiriledi, sondaı-aq tótenshe jaǵdaılardyń týyndaý qaýpin azaıtý úshin gıdrotehnıkalyq qurylystar jańǵyrtylady.
О́z kezeginde Eýropalyq Odaq О́kildiginiń elshisi Kestýtıs Iаnkaýskas belgilenip otyrǵan baǵyttyń basymdyǵyn rastady. Máselen, aýyl sharýashylyǵy jáne sý resýrstaryn basqarý salasyndaǵy ózara is-qımyl bıyl ekijaqty kún tártibindegi negizgi máseleler bolmaq.
«Sý máselesi – Ortalyq Azııamen yntymaqtastyǵymyzdyń basymdyǵy. Basqa tabıǵı resýrstar sııaqty, sýdy tıimdi paıdalaný úshin onyń quny bolýy kerek. Bul tıimdi tehnologııalardy engizýge túrtki bolady jáne kóptegen eýropalyq kompanııalar osy baǵytta jumys isteýge daıyn», dedi Kestýtıs Iаnkaýskas.
Sondaı-aq ol sý basseınderi men ózenderdi turaqty basqarý salasyndaǵy bilim men tehnologııanyń berilýin qamtamasyz etýge daıyn ekenin rastady.
Sonymen qatar jıynǵa qatysýshylar eýropalyq ónimderdi Qazaqstan naryǵynda ilgeriletý jáne EO naryqtarynda qazaqstandyq ónim assortımentin arttyrý maqsaty bolyp sanalatyn birlesken agroazyq-túlik mıssııasy aıasyndaǵy jemisti yntymaqtastyqty atap ótti.
Kezdesý barysynda Eýropa elderiniń elshileri men sheteldik kompanııalardyń ókilderi sýdy únemdeıtin tehnologııalardy engizý jáne aýyl sharýashylyǵy salasyn damytý tájirıbesimen bólisti. Aýstrııa Elshisi Vıllı Kempel ınnovasııalyq sýarý tehnologııasyn, sondaı-aq sýdy tutynýdy aıtarlyqtaı azaıtý arqyly joǵary ónim alýǵa múmkindik beretin jańbyrly egin sharýashylyǵy salasyndaǵy ınnovasııalyq sheshimdi tanystyrdy.
Germanııa-Qazaqstan agrarlyq-saıası dıaloginiń jetekshisi doktor Olga Hýnger sý resýrstaryn únemdeý Germanııanyń da, Qazaqstannyń da aýyl sharýashylyǵy salasy úshin irgeli baǵyt ekenin atap ótti. Osyǵan baılanysty sýarý tehnologııasyna jasandy ıntellekt engizý salasyndaǵy bilim men ınnovasııa transfertiniń, topyraqtyń qunarlylyǵy men ylǵaldylyǵyn saqtaý maqsatynda óńdeýdiń jańa ádisterin qoldaný keleshegi zor.
Kezdesýde sondaı-aq kún energııasynan qýat alatyn avtonomdy onlaın stansalardy paıdalana otyryp, jerústi jáne jerasty sýlarynyń sapasyn baqylaýdaǵy Fınlıandııa tájirıbesi qarastyryldy. Qazaqstanda tájirıbelik zaýyttardy iske qosý perspektıvalary atap ótildi. Sıfrlyq platforma bógettermen baılanysty táýekelderdi baqylaýǵa jáne sý ınfraqurylymynyń turaqtylyǵyn qamtamasyz etýge kómektesedi.
Sonymen qatar kezdesýge qatysýshylar aǵyndy sýlardy tazartýǵa ınnovasııalyq tehnologııalardy engizý salasyndaǵy Shvesııanyń, al Majarstannyń ozyq agrotehnologııalarǵa, onyń ishinde tuqym sharýashylyǵyna kóshý boıynsha tájirıbesin talqylady.
Otyrys qorytyndysy boıynsha Úkimet basshysy Oljas Bektenov sý resýrstary máselesi aýyl sharýashylyǵyn damytýdyń tıimdiligine tikeleı áser etetinin atap ótti. Sondyqtan Qazaqstannyń EO elderimen ózara is-qımyly eki baǵytta da qarqyndy jáne qatar júrgizilýi kerek.
«Memleket basshysy Qasym-Jomart Toqaev Úkimetke agroónerkásip keshenin damytý jáne sý resýrstaryn utymdy paıdalanýdy qamtamasyz etý mindetin qoıdy. Aýyl sharýashylyǵy jáne tamaq ónerkásibi ekonomıkamyzdyń mańyzdy salalarynyń biri bolyp tabylady. Bizde joǵary sapaly jáne organıkalyq aýylsharýashylyq ónimderin, sondaı-aq azyq-túlik ónimderin óndirýge úlken áleýet bar. Biz EO naryǵyna azyq-túlik eksportyn arttyrýǵa múddelimiz. Eýropalyq kompanııalardyń ozyq agrotehnologııalaryn eskere otyryp, sizderdi aýyl sharýashylyǵy ónimderin óndirý jáne qaıta óńdeý boıynsha birlesken jobalar jasaýǵa shaqyramyz. Biz óz tarapymyzdan bıznesti júrgizýge qolaıly jaǵdaı jasaý úshin bar kúsh-jigerimizdi salýǵa daıynbyz», dedi Oljas Bektenov.
