Foto: vıdeodan alynǵan kadr
Anyqtalǵandaı, sýdıanyń uıaly telefonyna belgisiz nómirden qońyraýlar men qorqytý habarlamalary túsken.
«Qylmystyq kodekstiń 407-babynyń 1-bóligi (Sot tóreligin júzege asyrýǵa kedergi jasaý maqsatynda sottyń qyzmetine aralasý) boıynsha sotqa deıingi tergep-tekserý amaldary bastaldy», delingen Joǵarǵy Sottyń málimdemesinde.
Sýdıa Aıjan Qulbaeva jeke qaýipsizdik sharalarymen qamtamasyz etildi.
Odan bólek áleýmettik jelilerde sýdıaǵa qatysty qylmystyq quqyq buzýshylyq is-áreketteri bar jaǵymsyz jarııalanymdar anyqtalǵany habarlandy.
«Tekserý is-sharalarynyń nátıjeleri boıynsha tergeý organy Qylmystyq kodekstiń 411-babynyń 1-bóligi (Sýdıaǵa jala jabý) boıynsha qylmystyq is qozǵady», delingen habarlamada.
Aıta keteıik, elordanyń qylmystyq ister jónindegi mamandandyrylǵan aýdanaralyq sotynda burynǵy Ulttyq ekonomıka mınıstri Qýandyq Bıshimbaevtyń isi qaralyp jatyr. Sýdıa bolyp osy sottyń tóraǵasy Aıjan Qulbaeva taǵaıyndaldy.
