foto: telegram.org/k/#@almatregion
Ashat Berdihanov 1975 jyly dúnıege kelgen. 2005 jyly Pavlodar memlekettik ýnıversıtetin «О́nerkásiptik kásiporyndardyń elektr jabdyǵy» mamandyǵy boıynsha, 2009 jyly Qaraǵandy memlekettik tehnıkalyq ýnıversıtetin «Zańger» mamandyǵy boıynsha, 2017 jyly Pavlodar memlekettik ýnıversıtetin «Energetıka jáne elektrotehnıka» mamandyǵy boıynsha, 2022 jyly Qaraǵandy tehnıkalyq ýnıversıtetin «Qurylys» mamandyǵy boıynsha bitirgen.
Eńbek jolyn 1993 jyly Pavlodar traktor zaýytynda elektromonter bolyp bastaǵan. Ár jyldary quqyq qorǵaý organdarynda ártúrli laýazymdarda jumys istedi. Balqash jylý elektr stansııasy Basqarma tóraǵasynyń orynbasary, «Samuryq-Energo» aksıonerlik qoǵamynyń bas menedjeri, «Alataý Jaryq kompanııasy» AQ bas ınjeneri, «Samruk-Kazyna Construction» basqarmasynyń bastyǵy, Túrkistan oblysynyń energetıka jáne turǵyn úı-kommýnaldyq sharýashylyq basqarmasy basshysynyń orynbasary qyzmetterin atqardy.
