Foto: baq.kz
Máýlen Áshimbaev qazaq-qyrǵyz qarym-qatynasy barlyq salada qarqyndy damyp kele jatqanyn aıtty. Baýyrlas elderdiń ekijaqty baılanysyna joǵary deńgeıdegi belsendi dıalogtiń yqpaly zor. Bul rette osy kúnderi ótip jatqan Qyrǵyzstan Prezıdentiniń Qazaqstanǵa resmı sapary erekshe mánge ıe.
Suhbat barysynda Qazaqstan Respýblıkasy men Qyrǵyz Respýblıkasynyń Joǵary memleketaralyq keńesiniń VI otyrysynda qol jetkizilgen ýaǵdalastyqtarǵa basa mán berildi. Atap aıtqanda, eki el arasyndaǵy odaqtastyq qatynastardy tereńdetý jáne keńeıtý týraly sharttyń mańyzy sóz boldy. Sonymen qatar taraptar parlamentaralyq dıalogti nyǵaıtý jáne saıası-ekonomıkalyq, mádenı-gýmanıtarlyq qarym-qatynastardy keńeıtý máselelerine de nazar aýdardy.
Senat tóraǵasy ǵylym, ádebıet, mádenıet, óner, tarıh, rýhanııat salalaryndaǵy yntymaqtastyqty damytýda jáne túrki áleminiń birligin nyǵaıtýda zııaly qaýymnyń áleýetin paıdalanýdyń mańyzy zor ekenin atap ótti.
О́z kezeginde Medetqan Sherımkýlov Prezıdent Qasym-Jomart Toqaevtyń bastamasymen Qazaqstanda júrgizilip jatqan áleýmettik-ekonomıkalyq jáne saıası reformalar aıasyndaǵy jumysty joǵary baǵalady. Sondaı-aq ol ortaq mádenı jáne adamgershilik qundylyqtardy dáripteý isinde Aqsaqaldar keńesi aıasyndaǵy belsendi ózara is-qımyl úshin alǵysyn bildirdi.
