Yntaly yntymaqtastyq

Iаkýtııa – Reseı Federasııasynyń aýmaǵy boıynsha eń úlken aımaq, bul óńir almaz óndirý boıynsha álemde birinshi, altyn óndirý boıynsha Reseıde ekinshi, kómir óndirý boıynsha úshinshi orynda. Qazaqstanda 2024 jylǵy 18-23 sáýir aralyǵynda ótetin Saha Respýblıkasynyń kúnderin ótkizý aıasynda Astanada Iаkýtııanyń ınvestısııalyq jáne týrıstik áleýeti tanystyryldy.

«Búgingi tusaýkeser men kórme qazaq­standyq jáne ıakýtııalyq bıznesmender arasynda tikeleı baılanys ornatý jáne tyǵyz ózara is-qımyl ornatý úshin tamasha múmkindik. Biz ıakýt naryǵymen tanysý úshin Qazaq­stan Respýblıkasynyń Saha Respýb­lıkasyna saýda-ekonomıkalyq mıssııasyn ótkizý múmkindigin qaras­ty­rýǵa daıynbyz. О́z tarapynan Qazaqstan Iаkýtııaǵa ónerkásip, aýyl sharýashylyǵy jáne azyq-túlik ónimderin jetkizýge múddeli», dedi S.Jumanǵarın.

Vıse-premer men Saha Respýblıkasynyń basshysy Aısen Nıkolaev kórmege qoıylǵan ıakýt óndirýshileriniń ınnovasııalyq jetistikterimen jáne dástúrli ta­ýarlarymen tanysty. Atap aıtqanda, «Hotý tent» kompanııasy jeńildetilgen portatıvti shatyrlardyń, garaj­dar­dyń, onyń ishinde aýyr júk kólik­teriniń, 70 gradýstyq aıazǵa tózim­di nanokompozıtti materıaldan ja­salǵan angarlardy tanystyrdy.

«Baıdam ýýs» otbasylyq sheberhanasy sońsyz kepildikti ıakýt pyshaqtarynyń keń assortımentin usyndy. Álemge áıgili ıakýt gaýhar tas­tary bar zergerlik buıymdar «Jer kúshi» atty óńdelmegen almazdary bar biregeı zergerlik buıymdar toptamasynda usynylǵan.