Foto: TJM
Ortalyq kommýnıkasııalar qyzmetinde ótken brıfıngte 21 494 adam úılerine qaıta oralǵany aıtyldy.
Al, ázirge, evakýasııalaý pýnktterin panalap otyrǵan 8786 adam, onyń ishinde 3814 bala bar.
Qyzyl sýdyń saldaryn joıý baǵytynda 10,9 mln. m3 astam erigen qar sýy soryldy, 3,7 mln. astam qapshyq pen 1,4 mln. tonna ınertti materıal tóseldi.
4 534 turǵyn úı men 2 763 aýla aýmaǵynan sý buryldy. Jedel jeli telefonyna 2 036 qońyraý tústi.
Sondaı-aq, ótken túni TJ mınıstri Shyńǵys Árinov Batys Qazaqstan oblysyna qaıta bardy. Ol Bórli aýdanynyń eldi mekenderinde salynǵan qorǵanys bógetterin tekserdi.
Aıta keteıik, Jaıyq ózeninde sý deńgeıiniń kóterilýine baılanysty óńirdiń keıbir aýyldaryn sý basý qaýpi áli de saqtalyp otyr.
