Foto: Pixabay.com
Senator atalǵan Zańǵa engizilgen túzetýler jas urpaqtyń densaýlyǵyn saqtaý men medısına qyzmetkerlerin quqyqtyq jáne qarjylyq turǵydan qorǵaý júıesin engizýge jáne olardyń jaýapkershiligin arttyrýda mańyzy zor ekenin atap ótti.
«Dárigerlerge memleket tarapynan birqatar jaqsy jaǵdaılar jasalyp jatyr.
Zań arqyly medısına qyzmetkerleriniń kásibı jaýapkershiligin saqtandyrý tetigi engizildi (Zań resmı jarııalanǵannan keıin 6 aı ótken soń qoldanysqa enedi).
Sonymen qatar medısına qyzmetkerlerin qoldaýǵa baǵyttalǵan túzetýler qabyldandy. Atap aıtqanda:
turǵylyqty jeri boıynsha mektepke deıingi uıymdardan balalary úshin basym tártippen oryn alý, kásibı qyzmetine zańsyz aralasýdan jáne kedergi keltirýden qorǵaý, mamandyǵyna qurmetpen qaraý, medısınalyq mamandyǵy boıynsha áskerı qyzmetin ótkerý nemese áskerı qyzmetke shaqyrýdy keıinge qaldyrý quqyqtary berildi;
«Qazaqstannyń eńbek sińirgen dárigeri» qurmetti ataǵy – memlekettik nagradasy belgilendi;
basy artyq esep nemese aqparat berýden bosatý úshin densaýlyq saqtaý salasyndaǵy ýákiletti organ budan bylaı medısına qyzmetkerleri toltyrýǵa mindetti qujattama tizbesin bekitedi;
asa tapshy mamandyqty meńgergen medısına qyzmetkerleri aýyldyq jerge keminde 5 jyl jumys isteýge kelgen jaǵdaıda, oǵan eń tómengi jalaqynyń 100 eselengen mólsherinde birrettik aqshalaı tólem beriledi», dep jazdy Nurtóre Júsip.
Sondaı-aq, senator Zańda shegýge kelmeıtin temeki ónimderin, veıpterdi, hosh ıistendirgishterdi jáne olarǵa arnalǵan suıyqtyqtardy satýǵa, taratýǵa, sondaı-aq olardy jarnamalaýǵa tyıym salý qarastyrylǵanyn málimdedi. (Bul norma resmı jarııalanǵannan keıin 60 kún ótken soń qoldanysqa engiziledi).
