Foto: gov.kz
Vırýspen zalaldanǵan ónimdi elorda aýmaǵyna ákelýge tyıym salyndy, keıin taýar arnaıy mamandandyrylǵan peshte joıyldy.
«Tuqym ıesine ákimshilik is qozǵalyp, 103 myń teńge kóleminde aıyppul salyndy», delingen habarlamada.
Qyzanaqtyń qońyr qatparly vırýsy (tobamovırýs, ToBRFV) sol ónimniń tuqymynda saqtalady. Mamandardyń aıtýynsha, atalǵan vırýs adam densaýlyǵyna qaýip tóndirmeıdi, alaıda baılanys arqyly tez tarap, barlyq daqyldy zaqymdaıdy.
Odan bólek, batys gúl trıpsi vırýsymen zaqymdalǵan 1 320 dana raýshan, hrızantema jáne gıpsofıla gúlderiniń keskinderi de órteldi. Ákimshilik quqyq buzýshylyq kodeksi boıynsha is qozǵalyp, ónim ıesi 251 myń teńge aıyppul arqalady.
