Jyldyq ınflıasııanyń eń joǵarǵy máni Qaraǵandy men Mańǵystaý oblystarynda tirkelgen. Naýryzda azyq-túlik taýarlarynyń baǵasy jyldyq 6,9%-ǵa deıin baıaýlaǵan (aqpanda – 7,4%). Osy toptaǵy taýarlardyń baǵasy Ulytaý oblysynda (10,5%) barynsha qarqyndy, al Almaty oblysynda (4,3%) meılinshe baıaý ósipti.
«Azyq-túlikke jatpaıtyn taýarlar baǵasynyń ósý qarqyny 8,2%-ǵa deıin báseńdedi (aqpanda – 8,5%). Eń joǵarǵy mán Mańǵystaý oblysynda (13,2%), eń tómengi mán Jetisý oblysynda (6,5%) tirkeldi. Naýryzda aqyly kórsetiletin qyzmet baǵasy 13,2%-ǵa deıin jedeldedi (aqpanda – 12,8%). Sonymen qatar Pavlodar oblysynda baǵa jalpy respýblıkalyq deńgeıden birshama tez (18,2%), Ulytaý oblysynda (8,6%) aıtarlyqtaı baıaý ósti», delingen UB habarlamasynda.
Naýryzda el boıynsha aılyq ınflıasııa 0,7%-ǵa sharyqtady. Bul – tarıhı ortasha mánnen joǵary (2017-2021 jyldardaǵy naýryzda – 0,6%).
Eske salaıyq, birneshe kún buryn UB bazalyq mólsherlemeni 14,75% deńgeıinde saqtaý týraly sheshim qabyldady. Sheshim qabyldaý kezinde ınflıasııanyń dınamıkasy men táýekelder balansy eskerilgen. Bazalyq mólsherlemeniń deńgeıin ózgertýde baıyptylyq qajet dep esepteıdi bas bank basshylyǵy.
