8,8 myń otbasy memlekettik qoldaý aldy

Atyraý, Batys Qazaqstan, Qostanaı, Soltústik Qazaqstan jáne elimizdiń basqa da oblys­ta­ry­nyń turǵyndary arnaıy qurylǵan óńirlik komıssııalarǵa tıisti ótinishterin berip jatyr. Búgingi tańda 16 862 ótinish kelip túsken.

Bıylǵy jyldyń 20 sáýirindegi jaǵdaı boıynsha 8 814 otbasy jalpy somasy shamamen 3,2 mlrd teńge bolatyn 100 AEK kólemindegi birjolǵy tólem aldy. 2 myńnan astam otbasy keltirilgen materıaldyq shyǵyn úshin 1 mlrd teńgege jýyq ótemaqy aldy. Mal shyǵyny úshin berilgen ótemaqynyń jalpy somasy 89 mln teńgege jetti.

Qazirgi tańda zardap shekken óńirlerde 3 210 tur­ǵyn úı tekserilip, olardyń 1 969-yna baǵalaý júr­gizildi. 311 úıde jón­deý ju­mys­ta­ryn júrgizý úshin 447 mln  teń­ge­den astam qarjy bólindi. 35 otba­sy­­ǵa eski úıdiń ornyna jańa baspana jáne páter­ler berildi.

Keltirilgen shyǵyndy óteý jumystary jalǵa­syp jatyr jáne olar Úkimettiń qatań baqy­laýyn­da. El Prezıdentiniń tapsyrmasy boıynsha bar­lyq zardap shekken azamatqa jan-jaqty kómek pen qoldaý kórsetiledi.