Maıdanger sýretshige qurmet

Maıdanger sýretshiniń týǵa­nyna bıyl 100 jyl tolyp otyr. Osyǵan oraı Mem­le­ket­­tik ortalyq mýzeı tórinde «Sa­ǵy­nysh» dep atalǵan kórme ashyldy. 80-nen astam kórkem týyn­dy qoıylǵan kórmege Qańtar­baev­tyń qoltańbasynan shyq­qan bi­re­geı shyǵarmalar men izba­sar shá­kirt­teriniń izdenisteri qo­ıyl­ǵan.

Qyrǵyzbaı Qańtarbaev qazirgi Abaı atyndaǵy Qazaq ulttyq pedagogıkalyq ýnı­versıtetin bitirgen. Uzaq jyldar boıy ustaz­dyq qyzmetpen jáne qoldan­baly óner buıymdaryn jasaý­men aınalysqan ol, ulttyq óne­rimizdiń damýyna zor úles qos­ty. Sheberdiń týyndylary Qazaq­stan men Reseıdiń tanymal mýzeı­leriniń kolleksııasyna engen.

Kórme qazaqtyń ulttyq má­de­nıetin, tarıhy men dástúr­lerin pash etedi. Qańtarbaev jasap shyqqan Abaı, Jambyl, Sh.Ýálıhanov, B.Momyshuly músinderi – mýzeıdegi mańyzdy jádigerlerdiń biri. О́ner ıesi músin janrynda tabysty eńbek ete júrip, qazaq tarıhyndaǵy basqa da kórnekti tulǵalardyń beınelerin jasady.

Ár otbasynyń urpaqtan-urpaqqa jalǵasatyn ózindik salty men dástúri bar. О́ner sabaq­tastyǵy Qańtarbaevtar otbasynda da jalǵasyn tapty. Onyń balalary men nemereleri de ónerden óris tapqan. Kórmedegi Qańtarbaevtar otbasynyń sándik-qoldanbaly óner buıym­da­ry, mýzykalyq aspaptary, mú­sinderi, keskindemeleri de kóp­shi­l­iktiń qyzyǵýshylyǵyn týdyrdy.

– Maıdanger sýretshi qazaq beı­­neleý ónerinde óz órnegin qal­­­dyrdy. Onyń qoly­nan­ shyq­­­­qan músinder, taý tulǵa­la­­ry­myzdyń beınesin asqaq­tat­­ty. О́ner ıesi tirshiliginde ózi­­niń qobyzyn mýzeıge syıǵa tart­qan. Osynaý aıryqsha buıym mýzeıimizdegi qundy jádi­ger­lerdiń biri. Atalarynyń bekzat ónerin jalǵaǵan balalary men nemereleri de búgingi tańda ult mádenıetine eńbek etip júr, – deıdi Memlekettik ortalyq mýzeı dırektorynyń orynbasary Ǵalııa Temirton.

Mereıtoılyq kórmeniń ma­­ńyzdy bóligi maıdanger sý­retshiniń shákirtteri men­ izbasarlaryna arnaldy. Olar, Qazaqstannyń tanymal sýret­shi­leri — О́mirbek Juba­­nııa­zov, Erlan Qojabaev, Jamı­lıa Tá­ken, Dastan Orazhan, Nur­lan Sataev, Qaıyrbaı Zákirov, Orazbek Esenbaev, Jan­uzaq Músa­pir, Toqqoja Qoja­ǵulov, Qanaǵat Kode­kov, Asqar Beıshekeev, Ser­geı Po­jar­skıı, Mırlan Qul­dy­baev, Marlan Nysanbaev, Beı­sebek Aqanaev, Nurdana Qyrǵyz­baeva, Dıana Muhammed, Bolat Qusa­ıynov, Dıas Qan­tarbaev, Marat Turǵynbaı, Kamıl Mamý­kadze, Nellı Býbe, Lıdııa Drozdova, Igor Gýshın, Jáni­bek Súıinbekov, Irı­na Mela­ment, Grıgorıı Golov­­kov, Janat Seıithamza, Maq­sat Qańtarbaev dep jalǵasa beredi. Sýretshilerdiń ózindik qol­tańbasy, erekshe stıli, oryn­daý tá­sili, sezimderi jáne qor­sha­ǵan álemdi qabyldaýy san alýan. Eń ǵajaby, joǵaryda aty atalǵan belgili sýretshilerdiń birqatary ózderiniń baǵaly kartınalaryn mýzeı qoryna syıǵa tartty.

ALMATY