STÝDENTTER GRANTQA IE BOLDY

Jýyrda L.N.Gýmılev atyndaǵy Eýrazııa ulttyq ýnı­­­versıtetiniń basshylyǵy oqý maýsymynyń aıaqtalý kezin­de bir top stýdentterdi úlken qýanyshqa bóledi. Iаǵnı, osy oqý ornynda áleýmettik jaǵdaıy tómen otba­sylarynan shyqqan, oqý úlgerimi úzdik dep tanylǵan stýdentterge tegin bilim berý granttary men arnaıy stıpendııalar tapsyrdy. О́z stýdentterine áleýmettik turǵydan qoldaý kórsetý maqsatynda L.N.Gýmılev atyndaǵy Eýrazııa ulttyq ýnı­versıteti kóptegen iri kompanııalarmen, kásiporyn­darmen ózara áriptestik ornata otyryp, úzdik oqıtyn stýdent­ter­ge arnaıy grant bólý sııaqty saýaby mol, ózgelerge úlgi bolarlyq is-sharany ótkizdi. Elimizdiń iri kásiporyndary men uıymdary bólgen tegin bilim berý granttary Eýrazııa ulttyq ýnıver­­­­­sı­tetinde áleý­mettik jaǵdaıy tómen otbasylardan shyqqan, oqý úlgerimi úzdik, qoǵamdyq jumystarǵa belsene aralasatyn, óz qatarynyń aldy bolyp júrgen 50 stýdentke berildi. Son­daı-aq 20 stýdentke Aqtóbe oblysynyń ákimi taǵaıyn­daǵan bilim berý granttary tapsyryldy. Mundaı ıgi bastamaǵa Aqtóbe oblysynyń ákimdigi, Eýrazııa ulttyq ýnıversıteti men “Nur Otan” HDP qolǵa alǵan arnaıy joba aıasynda júzege asyp otyrǵan jumystar muryndyq bolyp otyr. Granttardy tabys etý saltanaty aıaqtalǵannan keıin stýdentterge jolyǵyp, olardyń lebizderin tyńdaǵan edik. “Mundaı baqytqa kenelgenimizge óte qýanysh­tymyz. Bizdiń tegin oqýǵa qol jetkizgenimizdi estip ata-analarymyz, baýyr-týystarymyz qýanyp otyr. Muny, árıne, elimizdiń bizge senip tapsyrǵan úkili úmiti dep qabyldaımyz. Mem­le­ket tarapynan halyqqa, sonyń ishinde stýdentterge erek­she jaǵdaılar jasalynyp ja­tyr. Bizge memleket óziniń be­re­rin berdi, endigi kezek, biz elimizge, memleketimizge, hal­qymyzǵa ne beremiz degen suraq tóńireginde oılanyp, osy baǵytta erinbeı eńbek etip, el bolashaǵyna óz úlesterimizdi qosýymyz shart. Bul – adamdyq ta, azamattyq boryshy­myz” – dedi II kýrs stýdenti Danara Ospanova. Araı ÚIRENIShBEKQYZY.