Aqtóbe kásipkerlerine paıdaly bıznes-ortalyq ashyldy

AQTО́BE. 6 qańtar. Aqtóbe oblysynda jastardyń kásipkerlikpen aınalysýyna aıryqsha kóńil bólinýde. Jergilikti atqarýshy organdar qalalar men aýyldyq jerlerde olarǵa qolaıly jaǵdaı týǵyzýdyń barlyq múmkindikterin qarastyrýda. Mysaly, Temir aýdanynda jaqynda jas kásipkerler úshin ózderiniń saýda úıi bolady, olar saýda oryndaryn jalǵa alǵany jáne kommýnaldyq qyzmet úshin aqy tólemeıdi. Bul týraly egemen.kz tilshisi habarlady. Tegin paıdalanýǵa beriletin mundaı ǵımaratty tabýǵa jáne alýǵa Aqtóbe oblysy kásipkerler palatasy Temir aýdandyq fılıalynyń dırektory Aıdos Myrzaǵalı kómektesti. О́tken jyly aqpan aıynda ashylǵan fılıalǵa óz isin ashýǵa talaptanǵan jastar jaldyq tólemi arzandaý bızneske paıdalanatyn ǵımarat bolsa degen tilekpen jolyqqan. «Men osy máseleni oń sheshýge aýdandyq ákimdikke ótinish hat joldadym. Aýdan ákimi Baýyrjan Qanıev bosaǵan medısına mekemesiniń birinshi qabatyn kásipkerlerge usyndy. Munda 11 jas kásipker jumys isteıtin bolady. Jańa jyldan bastap hımııalyq tazartý, tigin sehtary, turmystyq tehnıka jóndeý sheberhanasy men dárihana jumys isteýde. Sondaı-aq, bolashaqta ekinshi dárejeli bank te óz qyzmetin usynatyn bolady», – deıdi óńirlik kásipkerler palatasy Temir aýdandyq fılıalynyń dırektory Aıdos Myrzaǵalı. Satybaldy Sáýirbaı. Derek: egemen.kz. Sýret: inform.kz.