Foto:aqjolgazet.kz
QR Aýyl sharýashylyǵy mınıstrliginiń resmı ókili Oljas Tilebaldın OKQ alańynda ótken brıfıngte ólgen janýarlardy ýtılızasııalaý jumystary veterınarııalyq qyzmetterdiń baqylaýynda ekenin atap ótti. Sondaı-aq shyǵý tegi kúmán keltiretin etti satý týraly taralyp jatqan aqparattardyń shyndyqqa janaspaıtynyn aıtty.
«О́ńirlerde ólgen janýarlardyń ıelerine ótemaqy tólenip jatyr. Búginde Qostanaı oblysynda aýyl sharýashylyǵy janýarlarynyń 780 bas malyna 113,2 mln teńge, Aqtóbe oblysynda aýyl sharýashylyǵy janýarlarynyń 753 bas malyna 98,3 mln teńge somasynda ótemaqy tólendi. Qaraǵandy oblysynda aýyl sharýashylyǵy janýarlary boıynsha zalal tolyǵymen óteldi. Batys Qazaqstan oblysynda ótemaqyǵa 187,4 mln teńge bólindi, ótinimderdi qabyldaý rásimi júrgizilip jatyr. Tólem osy apta sońynda bastalady. Atyraý jáne Aqmola oblystarynda ótemaqy alýǵa ótinimder qabyldanyp jatqanyn aıta ketý kerek», dedi Oljas Tilebaldın.
Respýblıkalyq shtabtyń hattamasynda ólgen maldyń shyǵynyn óteý algorıtmi bekitildi. Al ótemaqyny alý úshin ótinish berýshiler jergilikti ótemaqy komıssııasyna júginýi kerek. Sonymen qatar aýyl sharýashylyǵy janýarlarynyń ıelerine ótemaqy bıýdjet qarajaty esebinen de, bıýdjetten tys kózder esebinen de júzege asyrylady.
Qyrmyzy JUMAǴALIQYZY,
EUÝ stýdenti
