Tanystyrylymda S.Amanjolov atyndaǵy Shyǵys Qazaqstan ýnıversıtetiniń fızıka jáne tehnologııalar kafedrasynyń stýdentteri ózderiniń ǵylymı jobalaryn usyndy. Jastar óz ıdeıalaryn, zertteýlerin qorǵady. Munda Geron sýburqaǵy, astronomııalyq murajaı jobasy, úıde barometr jasaý, lıtoterapııa jobasy, jeke úıdi qashyqtyqtan basqarý sekildi tyń dúnıeler usynyldy.
Sondaı-aq eń jas zertteýshiler de óz ǵylymı jobalary men shyǵarmashylyq jumystaryn usyndy. Atap aıtsaq, Kúrshim aýdany, Kúrshim aýylynyń №3 mektep-gımnazııasy oqýshylary kórý qabileti buzylǵan jandarǵa arnalǵan ýltradybystyq bilezik usynsa, «Ahmer» orta mektebiniń oqýshylary ósimdikterdi ósirýdiń tıimdi ádisi – gıdroponıka týraly aıtyp berdi.
Prezıdent elimizdiń bolashaǵy tehnıkalyq mamandyq ıelerinde ekenin birneshe ret aıtqan. Osy oraıda aıta keterligi, A.Pýshkın atyndaǵy kitaphanadaǵy tehnıkalyq úıirmeler men shyǵarmashylyq alańdary jas urpaqtyń ǵylymǵa degen qyzyǵýshylyǵyn arttyryp, oı-órisin keńeıtýge kómektesedi. Qazirgi talantty balalardyń ishinen Qanysh Sátbaevtaı dara tulǵa shyqpasyna kim kepil?
О́skemen
