Temirjol salasyn damytýdy talqylaý barysynda «Baqty-Aıagóz» jobasy qaraldy. Joba óńirdegi logıstıka men ınvestısııalyq ahýaldy jaqsartý úshin strategııalyq mańyzǵa ıe. Keńes jobany jedeldetip iske asyrý qajet ekenin atap ótip, ony jobalaý men qurylys jumystaryn qatar júrgizý úshin erekshe retteý obektileri qataryna jatqyzý týraly sheshim qabyldady.
Sondaı-aq otyrys barysynda ınvestorlarda týyndaǵan problemalyq máselelerdi sheshý joldary qaraldy.
Atap aıtqanda, Ulytaý oblysynda temir konsentratyn óndiretin baıytý fabrıkasy salynyp jatyr. Onda sensorlyq baıytýdyń ınnovasııalyq tehnologııasy qoldanylatyn Germanııa men QHR-dan ákelingen jabdyqtardy paıdalaný josparlanǵan. Degenmen óndirilgen temir rýdasynda barıttiń kóp bolýyna baılanysty shoıyndy odan ári óndirý úshin qajetti temir konsentratyn alý múmkin emes. Osyǵan baılanysty ınvestısııalyq mindettemelerdi aýystyrý týraly sheshim qabyldandy.
Budan bólek, keńes «Kazakh Invest» UK» AQ-nyń qazaqstandyq-germandyq jumys tobynyń jobalaryn iske asyrý barysy týraly baıandamasymen tanysty.
Qazaqstan men Germanııa arasyndaǵy ekijaqty taýar aınalymynda oń dınamıka baıqalady: 2022 jyly 24,7%-ǵa jáne 2023 jyly 41,3%-ǵa ósken. Aıta keteıik, Qazaqstan – GFR-dyń top-50 saýda seriktesteriniń qatarynda jáne Ortalyq Azııadaǵy negizgi seriktesi.
Búginde Qazaqstandaǵy german jobalarynyń jalpy pýly 63 jobany quraıdy, jalpy quny – shamamen 54,4 mlrd dollar. Nátıjesinde, 14,7 myń jumys orny ashylady. Qazirgi ýaqytta 32 joba iske asyryldy, bul óz kezeginde 6 myńǵa jýyq turaqty jumys ornyn qamtamasyz etýge múmkindik berdi.
