Foto: Maksım Zolotýhın
Atalǵan naýqannyń úshinshi aptasy «Bizdiń qala – bizdiń taýlar, ózender men kólder» urany aıasynda ótip jatqanyn aıta ketý kerek. Apta ishinde jaǵalaýlar men sý aıdyndary, saıabaqtar, skverler men taý bókteri tazartylady.
Qarǵaly jobasynyń maqsaty - aımaqtyń ekojúıesin saqtaı otyryp, qala turǵyndarynyń demalýy úshin neǵurlym yńǵaıly ári tartymdy orta jasaý.
Munda ózen arnasyn tazartyp, serýendeý aımaǵyn qurý josparlanyp otyr, 3 myńǵa jýyq aǵash otyrǵyzylady. Sondaı-aq kópjyldyq gúlder men shópterdiń gúlzary, qylqan japyraqty jáne japyraqty aǵashtar men butalar egiledi. Jalpy uzyndyǵy 2,7 shaqyrymǵa jetetin sýarmaly sý qubyry tartylady.
Odan bólek, uzyndyǵy 4,3 shaqyrym bolatyn 196 jaryq baǵanasy ornatylady. Kelýshilerdiń jaılylyǵy úshin 135 oryndyq pen qoqys jáshigin qoıý josparda bar.
«Jobanyń mańyzdy bóligi - balalar men sport alańdaryn, jaıaý júrý joldary men ózen jaǵasynda demalý múmkindigi bar jańa qoǵamdyq keńistik qurý. Átkenshek, syrǵanaq jáne órmeleý sııaqty ashyq oıyn elementteri balalardyń motorıkasy men fızıkalyq belsendiligin arttyrady. Balalarǵa arnalǵan qumsalǵyshtar men sý aımaqtaryn, sondaı-aq ata-analarǵa arnalǵan oryndyqtary men ústelderi bar demalys aımaǵyn qurý josparlanyp otyr. Túrli ereksheligi bar balalar úshin de oıyn alańdarynda ınklıýzıvti elementter qoıylatynyn atap ótken jón», delingen ákimdik habarlamasynda.
Qala ákimdigi habarlaǵandaı, qurylys jumystary 2024 jyldyń qarasha aıyna deıin aıaqtalady.
