Qylmys • 26 Sáýir, 2024

«Soǵysqa» qatysty jalǵan vıdeo taratqan qostanaılyq sottaldy

150 ret

kórsetildi

1 mın

oqý úshin

Qostanaı qalasynyń №2 sotynda oblys ortalyǵy turǵynyna qatysty kórineý jalǵan aqparat taratqany úshin qylmystyq is qaraldy. Aıyptalýshy 2023 jylǵy 8 qyrkúıekte óziniń jeke uıaly telefonyna QR Ulttyq ulanynyń áskerı bólimine tıesili jaýyngerlik tehnıka avtokolonnasyn túsirip alǵan, dep habarlaıdy Egemen.kz.

Shyńǵys MUQAEV

«Soǵysqa» qatysty jalǵan vıdeo taratqan qostanaılyq sottaldy

Foto: pixabay.com

Sottalýshy túsirilgen vıdeony «WhatsApp» messendjerindegi toptyq chatqa jibergenin jasyrmady, keıin belgisiz tulǵalar tarap ketken beınematerıaldy «YouTube» arnasyna júktep, shyndyqqa janaspaıtyn aqparat jarııalaǵan. Saldarynan «Qostanaıda soǵys bastalaıyn dep jatyr» jegen feık qoǵamda rezonans týdyryp, halyqtyń úreıin ushyrdy.

Sotta kúdiktiniń isi qysqartylǵan tártippen qaraldy. Sot jaryssózinde memlekettik aıyptaýshy sottalýshyǵa 1 jyl 6 aı merzimge bas bostandyǵyn shekteý túrindegi jaza taǵaıyndaýdy ótindi.

Buryn sottalmaǵan sottalýshynyń jeke basyn, ortasha aýyr qylmys sanatyna jatatyn árekettiń sıpatyn, qoǵamdyq qaýiptilik dárejesin jáne basqa da mán-jaıdy eskere otyryp, sot probasııalyq baqylaýdy belgileı otyryp, sottalýshyǵa 1 jyl bas bostandyǵyn shekteý túrindegi jazany taǵaıyndady.