Almaty oblysynyń ákimdiginde alqaly jıyn ótip, onda ózara tıimdi yntymaqtastyq pen ekonomıkanyń túrli salasyndaǵy jobalardy birlesip júzege asyrýdyń keleshegi talqylandy. Onda týrızm, aýyl sharýashylyǵy jáne qurylys salalaryna erekshe kóńil bólindi. Kezdesýge qatysýshylar seriktestikti keńeıtý jáne osy salalardy damytýǵa baǵyttalǵan naqty bastamalardy júzege asyrý múmkindikterin ortaǵa saldy.
ShUAR Saýda-ónerkásip palatasy basshysynyń orynbasary Tursynjan Muhatuly óz sózinde, Almaty oblysynyń kásipkerleri men Qytaıdyń Ile-Qazaq avtonomııalyq aımaǵy bıznes-qaýymdastyǵy ókilderi arasyndaǵy yntymaqtastyqtyń keleshegi zor ekenine senim bildirdi. Ol óńirdiń ınvestısııalyq tartymdylyǵynyń joǵary deńgeıi ekonomıkanyń túrli salasynda birlesken jobalardy júzege asyrýǵa qolaıly alań týǵyzatynyn basa aıtty. Sondaı-aq óńirde týrızm, aýyl sharýashylyǵy jáne qurylys salasynyń belsendi damýy, ınvestısııa men ózara tıimdi yntymaqtastyqqa keń múmkindikter beretinin de atap ótti.
Almaty oblysy ákiminiń keńesshisi Aıbar Temenov Qazaqstan men Qytaı arasyndaǵy uzaqmerzimdi qarym-qatynastardyń joǵary deńgeıin, tabysty júzege asyrylǵan jobalardyń sanymen rastalǵanyn aıtty.
«Jyl saıyn ózara tıimdi baılanystar nyǵaıyp jatyr, bul yntymaqtastyqty odan ári damytýǵa jáne eki eldiń bıznesi men ekonomıkasy úshin jańa perspektıvalyq múmkindikter jasaýǵa yqpal etedi. Almaty oblysy men Qytaıdyń Ile-Qazaq avtonomııalyq oblysy arasyndaǵy áriptestikti ózara keńeıtý, aımaqtar arasyndaǵy ekonomıkalyq baılanysty nyǵaıtýǵa septigin tıgizetinine senimdimin», dedi Aıbar Temenov.
Almaty oblysy
