Elaralyq bıznes-forým

Qazaqstan bıznes-delega­sııasy­nyń quramynda serik­tes­tiktiń jańa baǵyttaryn qurý úshin «QarMet» kompanııa­lary­nyń, «Doscar Group» dıler­lik ortalyǵynyń (KIA, Chevrolet brendteri), Kentaý transformator zaýytynyń, «Kaspy Group» kompanııalar tobynyń (metall konstrýksııalaryn daıyndaý, aýyl sharýashylyǵy tehnıkasyn óndirý) ókilderi, zerthanalyq synaqtardy, medısınalyq dári-dármek, maı ónimderi, kondıterlik ónimder, toqyma jáne basqa da taýar óndirýshi kásipkerler keldi.

Bıznes-forýmnyń ashy­lýyn­da Premer-mınıstr­diń orynbasary Serik Ju­man­ǵarın Aýǵanstan delega­sııasynyń Qazaqstanǵa sapary qorytyndysyna sáıkes ekijaqty taýar aınalymyn $3 mlrd-qa deıin arttyrý mindeti qoıylǵanyn eske saldy.

«Biz hımııa ónerkásibindegi, taý-ken metallýrgııa keshenin­degi óndiristi birlesip damytýdy, Aýǵanstan aýmaǵynda qatty paı­daly qazbalardy geolo­gııa­lyq barlaý, IT-tehnologııar sala­synda, óndirý jáne óńdeý bo­ıyn­sha birlesken jobalardy iske asyrý jónindegi ózara is-qı­myl­dy qarastyrýdy usyna­­myz. Qazaqstan tarapy Aýǵan­­stan­da avtokólikterge qyz­met kór­setetin dılerlik orta­ly­q­­tar­dyń ornalasý or­nyn keıin­nen anyqtaı otyryp, otan­dyq óndiristiń avtomo­bılderin jetkizýge múddeli», dedi S.Jumanǵarın.

Eki eldiń joǵary bilim jáne ǵy­lym salasyndaǵy ynty­maq­tas­tyǵy aıasynda Serik Ju­man­ǵarın Aýǵanstan azamattaryna Qazaqstannyń joǵary oqý oryn­darynda oqýǵa beriletin grant­tardyń jyl saıynǵy sanyn 30-dan 60-qa deıin arttyrýdy usyndy. Sondaı-aq vıse-premer Aýǵanstannan kelgen 30 balany Qazaqstannyń jazǵy lagerlerinde 10 kún demalýǵa shaqyrdy.

Aýǵan kásipkerleriniń ara­syn­da qazaqstandyq aýyl sharýashylyǵy ónimderine suranys áli de joǵary. Bıznes-forým qorytyndysy bo­ıyn­sha $12 mln-nan astam soma­ǵa kúnbaǵys maıy, dándi daqyl­dar men un jiberý týraly kelisimderge qol jetkizildi. Aýǵan kompanııalary motor maıyna úlken qyzyǵýshylyq tany­typ, otandyq jetkizýshi­lermen osy taýardy jet­kizýge alǵashqy kelisimshartqa qol qoıýdy josparlap otyr.

Aıta ketý kerek, Gerat qala­synda Qazaqstan saýda úıi resmı túrde ashylyp, óz jumysyn bas­tady, sondaı-aq ol Qazaqstan-Aýǵanstan saýda-ekonomıkalyq qarym-qatynastarynyń jandanýyna yqpal etetin bolady.

Sonymen qatar qazaqstan­dyq delegasııanyń Aýǵanstanǵa resmı sapary aıasynda «elek­trondyq úkimet» boıynsha otan­dyq ázirlemelerdiń eń úz­dik sheshimderi tanystyryldy.

«Ulttyq aqparattyq tehnologııalar» AQ ókilderi «Data Lake», «Smart Bridge» jáne «Gov.kz» sııaqty úzdik qazaq­stan­dyq sheshimderdi engizý­diń múmkindikteri men ekono­mı­kalyq tıimdiligin kórsetti.

«Búginde Qazaqstan memle­ket­tik qyzmetterdi onlaın formatqa kóshirý boıynsha álemde alǵashqylardyń qata­ryn­da. Biz tájirıbemizben bólisý­ge jáne aýǵan seriktes­teri­miz­ge úzdik tájirıbelerdi berýge daıynbyz. Biz úshin taǵy bir basym baǵyt – mektepterge ınternet qosý. Biz barlyq oqýshy­nyń bilim alýǵa qoljetimdiligin qamtamasyz etý úshin qajetti qoldaýdy kór­se­týge daıynbyz»,  dedi S.Jumanǵarın.

Sondaı-aq taraptar «Qazaq­tele­kom» AQ men «Aýǵan­tele­kom­nyń» kommer­sııa­lyq ynty­maqtastyǵy aıasynda Aýǵanstanǵa ınternet trafıgin 60-tan 100 Gbıt/s-qa deıin keńeıtý múmkindikterin talqylady.