BQO-da sý tasqynynyń aldyn alý jáne avarııalyq-qutqarý jumystary áli de jalǵasyp jatyr.
Oblysta halyqty evakýasııalaý, qulaqtandyrý, bógetterdi nyǵaıtý jumystary jalǵasyp jatyr. Sońǵy táýlikte 12 adam evakýasııalandy. Sý tasqyny kezeńinde jalpy oblys boıynsha 14 001 adam evakýasııalandy. Onyń 5786-sy - bala. 12 evakýasııalyq pýnkte 2 447 adam ornalasqan. BQO TJD resmı ókili Nurjan Tóleýish OKQ brıfınginde osylaı dep málimdedi.
- Jergilikti masshtabtaǵy 6 tótenshe jaǵdaı jumys istep jatyr. Jedel shtab pen kúndelikti monıtorıng pen kezekshilik júrgizilip jatyr. 1 mln tekshe metrden astam qar sýy soryldy. 1,3 mln dana qapshyq tóseldi. 26 617 tonna ınertti materıal tóseldi. Bul jumystarǵa 3114 adam, 993 tehnıka, 71 sý sorý quraly, 170 júzý quraly men 1 áýe kemesi jumyldyryldy, - dedi spıker.
Qosymsha kúsh-quraldardyń jartysy Atyraý óńirine jiberildi. Oblys boıynsha jaǵdaı turaqty jáne qatań baqylaýda.
