Foto: sk.kz
Atap aıtqanda, otandyq óndirýshiler úshin satyp alý úderisin jeńildetýge baǵyttalǵan ózgerister engizildi.
Qabyldanǵan sharalardyń ishinde otandyq taýarlardy satyp alý boıynsha mindettemelerdi oryndamaǵan jaǵdaıda qurylys-montajdaý jumystarynyń merdigerleri úshin jaýapkershilik kúsheıtildi, sondaı-aq Qor kompanııalar toby satyp alatyn jumystar men qyzmetterdi jetkizýshilerge jergilikti óndirýshilerden taýarlardy satyp alý mindetteldi.
Skstore.kz elektrondyq dúken arqyly shekti satyp alý somasy 4 myńnan 20 myń AEK-ke deıin (74 mln teńge) ulǵaıtyldy, bul shaǵyn jáne orta bıznestiń Qordyń satyp alý qyzmetterine qoljetimdiligin jeńildete túsedi.
Sonymen qatar birqatar prosesterdi avtomattandyrýdyń arqasynda jetkizýshilerdiń Qordy satyp alý qyzmetine qatysý rásimi jeńildetildi. Iаǵnı, tehnıkalyq sıpattamalar, elektrondyq shot-faktýralar, tenderlik ótinimdi qamtamasyz etý jáne taǵy basqa prosester kiredi.
Sondaı-aq Jańa óndirister qurý jónindegi baǵdarlamanyń jańa ádisteri talqylandy, baǵdarlama ishki naryqta ónim tapshylyǵy bolǵan kezde 20 jylǵa deıingi merzimge ofteık-sharttar jasasý múmkindigin kózdeıdi.
Importty almastyrýǵa arnalǵan taýarlar pýly jalpy somasy 966 mlrd teńge bolatyn 7 754 pozısııaǵa deıin keńeıtildi.
«Bul rette, kelisimshart jasasý kezinde óndirýshilerge, onyń ishinde iri kásiporyndarǵa óz óndirisiniń aınalasynda shaǵyn bıznes beldeýin qurý jónindegi mindettemeler belgileý múmkindigi kózdelgen», dedi Qordyń quqyqtyq súıemeldeý, qamtamasyz etý jáne táýekelder jónindegi basqarýshy dırektory Nıkolaı Kazýtın.
Aıta keteıik, qoldanystaǵy baǵdarlama aıasynda 2018-2024 jyldary Qordyń jasalǵan ofteık-kelisimsharttarynyń sany 531 qurady, jalpy somasy - 128,5 mlrd teńge.
Bıyl portfeldik kompanııalardyń basshylary úshin ofteık-kelisimsharttardyń úlesin satyp alý qyzmetteriniń jalpy kóleminen 10% kem túspeıtin deńgeıde ulǵaıtý boıynsha paıdaly áser koeffısıenti (PÁK) belgilendi.
