Sotta temirjol kúzetiniń bas dırektory óziniń orynbasary jáne bas menedjerimen birge beınebaqylaý júıesine arnalǵan jabdyqtardy satyp alýǵa arnalǵan 159 mln teńgeden astam qarajatty bıýdjetten jymqyrǵany belgili boldy.
Sonymen qatar bas dırektor óz ókilettigin asyra paıdalanyp, menedjerdi kompanııanyń qurylymdyq bólimshesine júrgizýshi retinde jumysqa ornalastyrǵan. Osylaısha oǵan JShS-ǵa 1,5 mıllıon teńgeden astam jalaqy taǵaıyndatý arqyly óziniń jeke maqsattary úshin paıdalanǵan.
Bas dırektor memlekettik qyzmette jáne kvazımemlekettik sektorda qyzmet atqarý quqyǵynan ómir boıyna, segiz jylǵa bas bostandyǵynan aıyryldy.
Basqa sottalýshylar jeti jylǵa bas bostandyqtarynan shekteldi.
Jábirlenýshi taraptyń azamattyq talaby kináli adamdardan birlesken tártippen óndirip ala otyryp, keltirilgen zalal somasy sheginde qanaǵattandyryldy.
Úkim zańdy kúshine engen joq.
