Sapar barysynda aýdandaǵy birqatar áleýmettik nysandy aralaǵan óńir basshysy Uzynaǵash aýylyndaǵy №1 mektep-lıseıge arnaıy at basyn buryp, mektep oqýshylarymen birge aǵash kóshetterin otyrǵyzyp, kópke úlgi boldy.
«Búgin «Jasyl aımaq» baǵyty boıynsha mektep oqýshylary men ujymdarynyń bastamasymen óńirimizde «О́z aǵashyńdy ósir» aksııasy uıymdastyrylyp otyr. Oǵan bilim ordalaryndaǵy 340 myńnan asa oqýshynyń bir kisideı qatysýy munyń jalpy buqaralyq sıpatyn kórsetti. Osy arqyly biz Prezıdentimizdiń orman alqabynda 2 mıllıard, eldi mekenderde 15 mıllıon aǵash otyrǵyzý boıynsha tapsyrmasyn oryndaýǵa óz úlesimizdi qosyp otyrmyz. Bul aksııanyń tárbıelik máni óte joǵary. Atqarylǵan jumystar týyp-ósken jerimizdi, óz ólkemizdi kógaldandyrýmen qatar, jasyl jelekke oraýǵa múmkindik beredi. Buǵan qosa mundaı ıgi is-sharalar bizdiń aýyzbirshiligimizdi aıqyndap, eldigimizdi kórseteri anyq. Endeshe, barlyq atsalysqan jerlesterimiz ben baldyrǵandarymyzǵa alǵysymdy bildiremin», dedi Marat Eleýsizuly.
Osy kúni oblys ortalyǵy Qonaev qalasynda «Jasyl aımaq» aksııasy aıasynda 14 mektepten 13 myń oqýshy bir mezette aǵash tuqymyn egý rásimine belsendi túrde qatysqanyn ataý artyq etpes.
Jalpy, «Jasyl aımaq» aptalyǵynda qala boıynsha 1 500 túp jasyl jelek otyrǵyzý josparlanǵan.
Almaty oblysy
