Komıssııa jalpy kólemi 40 mlrd teńgeden astam somaǵa zańsyz ıemdenilgen aktıvterdi memleketke erikti túrde qaıtarý jónindegi kelisimderdi maquldady, onyń 38 mlrd teńgeden astamy – aqshalaı qarajat, sondaı-aq Astanadaǵy quny 2 mlrd teńge turatyn bıznes-ortalyq. Qaıtarylǵan qarajat áleýmettik maqsattarǵa, onyń ishinde sý tasqyny saldaryn joıýǵa baǵyttalady.
Buǵan qosa 7 mlrd teńge somasyna ınvestısııalyq kelisimderge qol qoıý maquldandy, onyń aıasynda «Zańsyz ıemdenilgen aktıvterdi memleketke qaıtarý týraly» zań negizinde Astana jáne Shymkent qalalarynda eki ınfraqurylym nysany salynady. Atalǵan jobalardy iske asyrý jumys oryndaryn qurýǵa múmkindik beredi jáne qosymsha salyq túsimderin qamtamasyz etedi.
«Aktıvterdi qaıtarý jumystary – bul Memleket basshysynyń áleýmettik ádilettilikti qalpyna keltirý jónindegi saıasatynyń tikeleı iske asyrylýy. Barlyq qaıtarylǵan qarajat Qazaqstan halqynyń ıgiligine jumsalady», dep atap ótti O.Bektenov.
