Buǵan deıin Astanada "Almaty" aýdanyn bólip, jańa aýdan paıda bolatyny aıtyldy. Almaty aýdanynda ákimniń turǵyndarmen kezdesýinde bul jospar qashan oryndalady degen suraq qoıyldy.
- Bul aýdan bıyl qurylady, biraq aldymen bul aýdannyń shekarasy, ataýy jáne t.b talqylanýy kerek. Naqty ýaqytyn aıta almaımyn. Ol úshin aýdan jurtshylyǵymen talqylanýy kerek. Shamamen osy jyldyń ishinde bul jumysty aıaqtaýdy josparlap otyrmyz, – dedi Jeńis Qasymbek.
Sheneýnik nelikten jańa aýdan quratyndaryn túsindirdi.
- Almaty aýdanyp belsendi túrde ósip keledi, qazirdiń ózinde 400 myńǵa jýyq turǵyn bar, biz standarttarǵa sáıkes jańa ákimshilik birlik qurýymyz kerek, – dedi elorda ákimi.
