Jerlesterimiz – ekinshi sebette

Qazaqstannyń ulttyq qura­masy Paragvaı, Ýkraına, Marok­ko, Taı­land, Panama fýtzalshy­larymen birge ekinshi sebetke tústi. О́zge sebetterde myna ko­mandalar bar: Birinshi – О́z­bekstan, Brazılııa, Ispanııa, Ar­gentına, Portýgalııa, Iran. Úshin­shi – Kosta-Rıka, Gvatemala, Ve­nesýela, Jańa Zelandııa, Kýba, Lıvııa. Tórtinshi – Aýǵanstan, Angola, Horvatııa, Fransııa, Nı­derland, Tájikstan. Esterińizge sala keteıik, tórtkúl dúnıeniń myqtylary bas qosatyn baıraqty bá­sekeniń joldamasy úshin tar­tystyń elıtalyq kezeńinde jer­lesterimiz Nıderland, Rýmy­nııa, Ázerbaıjan quramalaryn utty.

Fýtzaldan álem chempıo­naty 1989 jyldan beri uıym­­das­­tyrylyp keledi. Atal­ǵan ja­rysta eń kóp oljaǵa kenel­gen – Brazılııa quramasy. Oń­tús­tik Ame­rıkanyń oǵlandary 5 ret bas júldeni oljalady. Bu­ǵan qosa brazılııalyqtardyń qor­jynynda 1 kúmis pen 2 qo­la medal bar. Ispanııanyń óren­d­eri bes básekeniń fınalyna shyǵyp, eki ret top jardy. Pı­reneı túbeginiń túlekteri taǵy bir jarysty úshinshi orynmen qorytyndylady. Argentına (+1 kúmis) men Portýgalııa (+1 qola) quramalary bir-bir retten teń­dessiz dep tanyldy. Sondaı-aq júlde alǵandar qatarynda Nı­der­land (1 kúmis), AQSh (1 kúmis, 1 qola), Italııa (1 kúmis, 2 qola), Reseı (1 kúmis, 1 qola), Iran (1 qola) bar.

Sońǵy álem chempıonaty osydan úsh jyl buryn Lıtvada uıymdastyryldy. Baltyq jaǵa­laýynda Portýgalııanyń oıyn­shylary aldyna jan salmady. Fınalda olar Argentınany 2:1 esebimen utty. Qola medal úshin matchta Brazılııa men Qa­zaqstan quramalary kúsh synasty. Bul báseke 4:2 esebimen brazılııalyqtardyń paıdasyna sheshildi. Atalǵan jarystyń toptyq saıysynda jerlesterimiz Kosta-Rıka (6:1) men Lıtvany (3:0) jeńip, Venesýelamen (1:1) teń tústi. 1/8 fınalda Taıland­ty (7:0) tize búktirsek, shırek fınalda Iranǵa (3:2) shań qap­tyrdyq. Jartylaı fınalda Por­týgalııamen (2:2) teń tústik. Biraq penaltı soǵý barysynda (4:3) Pıreneı túbeginen kelgen jigitterdiń joly boldy. Nátıjesinde, Lıtvadaǵy dop dodasyn otandastarymyz tórtinshi orynmen qorytyndylady.

Al soǵan deıin Qazaqstannyń fýtzalshylary dúnıejúzilik do­daǵa eki ret qatysqan edi. 2000 jyly Gvatemalada toptyq tý­rnırde súrinsek, 2016 jyly Kolýmbııadaǵy jarystyń 1/8 fı­naldyq mejesinde Ispanııaǵa (2:5) ese jiberdik.