Batyr 1918 jyly Shyǵys Qazaqstan oblysy Ulan aýdanynda týǵan. 1934 jyly mektep bitirgennen keıin О́skemen qalasyndaǵy saıası-aǵartý tehnıkýmyna túsip, ony 1938 jyly bitirgen. Pavlodar oblystyq oqý bóliminiń saıası-aǵartý jónindegi nusqaýshysy bolyp júrgende ásker qataryna shaqyrylyp, áskerı-barlaý mektebine jiberiledi. 1941 jyly Máskeýdegi barlaýshylar mektebinde oqıdy. Sol jyly Ýkraına jerinde partızan jasaǵyn qurý úshin jaý tylyna attanady. Chapaev atyndaǵy partızan quramasynyń úshinshi jasaǵyn basqarady. Odan keıin 1944 jyldyń aıaǵyna deıin Moldavııa, Ýkraına, Chehoslovakııa, Rýmynııa jerindegi partızan qozǵalystaryna qatysady. Jaý tylynda júzdegen joryqty basynan ótkeredi. Batyr Kıev jáne Poltava oblystaryndaǵy partızandar qozǵalysyn alǵash ret uıymdastyrýshylardyń biri retinde tarıhta qaldy. «Otan» ordenimen, II dárejeli «Bogdan Hmelnıskıı» ordenimen, I jáne II dárejeli «Otan soǵysy» ordenimen, kóptegen medalmen, Qurmet gramotalarymen marapattaldy.
Q.Qaısenov soǵystan soń qarýyn qalamǵa aıyrbastap, jaýyngerlik, erlik joryǵyn kórkem sózben kesteledi, qazaq ádebıetindegi partızan taqyrybynyń negizin qalady, 30-ǵa jýyq kitaptyń avtory. A.Fadeev atyndaǵy Halyqaralyq syılyqtyń laýreaty atandy.
1995 jylǵy 9 mamyrda Prezıdent Jarlyǵymen Qasym Qaısenovke elimizdegi eń joǵary nagrada – Halyq qaharmany ataǵy berildi.
Kesh barysynda Qasym Qaısenovke arnalǵan slaıdtar, kitap kórmesi, fotokórmeler uıymdastyrylyp, «Qasym» atty kórkem fılmnen úzindi kórsetildi. Sondaı-aq 4-rota ulandary batyrǵa arnalǵan óleń-shýmaqtaryn oqyp, keshtiń kórkin qyzdyryp, ári qaraı konserttik baǵdarlamaǵa ulasty.
Batyrlyq pen ulttyq namystyń úlgisi ispettes Qasym Qaısenovtiń erligi jáne qalamgerligi eshqashan umytylmaıdy.
«Búgingi kún – eń jaryq kún, alyp kún,
Kúlli álemge erligińdi tanyttyń,
Qasym batyr – Batyrlardyń batyry,
Qaharmany halyqtyń!» – dep aqyn jyrlaǵandaı, Qasym Qaısenovtiń erligi men shyǵarmashylyǵy urpaqtan-urpaqqa mura bolyp, máńgi jasaı beredi.
Aıken OSPANQULOVA,
respýblıkalyq «Jas ulan» mektebiniń qyzmetkeri
ShYMKENT
