Baǵa baqylaýda bolady

Qazaqstanda áleýmettik mańyzy bar azyq-túlik taýar­larynyń baǵa ındeksi úsh apta qatarynan tómendep keledi. Baǵanyń tómendeýi qaraqumyq jarmasy, pııaz, kúnbaǵys maıy, un jáne basqa da ónimder boıynsha baıqalyp otyr.

Maýsymaralyq kezeńde kókónis baǵasynyń anaǵurlym aýyt­qýyna jol bermeý úshin Úkimet О́zbekstan jáne Tájik­stan jetkizýshilerimen tike­leı kelisimshart jasaý múmkin­dikterin aldyn ala pysyqtady. Saýda jáne ıntegrasııa mı­nıstrliginiń salalyq baǵy­nystaǵy uıymy – «QazTrade» AQ ózbek jáne tájik seriktesterimen tıisti sharttarǵa qol qoıdy.

Kókónister Qazaqstan nary­ǵyna «jasyl dáliz» arqyly jáne deldaldar men alypsatarlarsyz tıimdirek baǵamen jetkiziledi.

9 ÁKK-men jalpy kólemi 4 myń tonna bolatyn ımporttyq kókónisterdi, onyń ishinde 2 060 tonna kartop pen 1 940 tonna pııaz jetkizýge sharttar jasaldy.

Qazaqstannyń barlyq óńiriniń qajettilikterin qam­tamasyz etý jáne maýsymara­lyq kezeńde kókónister baǵasy­nyń aýytqýyn boldyrmaý úshin Premer-mı­nıstr kelisim­sharttardy ýaqtyly bekitýdi jáne ónimniń úzdiksiz jetkizilýin qamtamasyz etýdi tapsyrdy.

Jalpy alǵanda, ákimdikterge keminde 18,6 myń tonna kartop, 7,2 myń tonna sábiz jáne 5 myń tonna pııazǵa aldyn ala kelisimshart jasaý qajet. Qazirgi ýaqytta qolda bar qorlardan 81 myń tonna kóleminde kókónis ónimderi paıdalanýǵa berildi.

Sonymen qatar jıynda áleýmettik mańyzy bar azyq-túlik ónimderin ótkizý kezin­degi talaptardyń saqtalýyn memlekettik baqylaý nátıjeleri qaraldy. Mınıstrlik jyl basynan beri múddeli organdarmen birlesip, taýarlyq ústeme baǵany asyrǵan 732 faktini anyqtap, 1 myńnan astam ákimshilik is qozǵaldy, 109 ónimsiz deldal alyp tastaldy.

Jalpy, jyl basynan beri baǵa belgileýge áser etetin 2,5 myńnan astam tizbekke taldaý jasalyp, saýda, salyq jáne mono­polııaǵa qarsy zańna­ma­lar­dy buzýdyń 800-den astam táýe­keli anyq­taldy. Barlyq anyq­talǵan fakti boıynsha aqpa­rat jedel shara qoldaný úshin ýákiletti organdarǵa joldandy.

Baqylaý-fıskaldyq jáne quqyq qorǵaý organdaryn tartý arqy­ly óńirlik komıssııalar­dyń qyz­meti qaıta qaralyp, kúsheıtildi.

Úkimet basshysy keıbir taýarlar boıynsha baǵanyń ósýi tirkelgen Jambyl jáne Abaı oblystary ákimderine olardy turaqtandyrý sharalaryn kúsheıtýdi tapsyrdy.

Saýda mınıstrligine baǵanyń ózgerýine kún saıyn taldaý júrgizý, Aýyl sharýashylyǵy mınıstrligine naryqty otandyq ónimmen sapaly ári tolyq kólemde qamtyp, agroónerkásip kesheni salasyndaǵy óńdeý kólemin arttyrý jónindegi barlyq josparlanǵan sharany iske asyrý júkteldi.

«Halyqty sapaly ári qymbat emes ónimdermen qamtamasyz etý – Úkimet pen jergilikti bılik organdarynyń basty min­detteriniń biri. Deldaldarsyz jáne baǵaǵa qatysty alaıaqtyqqa jol bermeıtin tikeleı jetkizilim qajet. Ákimder quqyq qorǵaý organdarymen birlesip bul máselede tártip pen ashyqtyqty qamtamasyz etýge tıis», dep atap ótti O.Bektenov.