Foto: astana.gov.kz
2023 jyldyń qorytyndysy boıynsha múgedektigi bar adamdarǵa ınvataksı qyzmeti 53,9 myń ret kórsetilgenin aıta ketý kerek.
Invataksı qyzmetiniń sapasy men kórsetý jyldamdyǵyn arttyrý maqsatynda Eńbekmıni ákimdiktermen birlesip osy qyzmettiń tetigine ózgertý engizý týraly sheshim qabyldady. Máselen, azamattarǵa qyzmet alýdan bir kún buryn telefon arqyly jazylý qajet, bul óz saparlaryn aldyn ala josparlaýǵa múmkindik beredi.
«Sharttardy jeńildetý úshin osy qyzmetti kórsetýge qatysýǵa tıisti suranys alǵan taksı agregatorlaryn tartý boıynsha pılottyq jobaǵa bastama jasaldy. Iаndeks kompanııasy pılottyq jobaǵa óteýsiz negizde qatysýǵa nıet bildirdi. Pılottyq joba sheńberinde azamattar Iаndeks Go mobıldi qosymshasy arqyly ınvataksı qyzmetin qoldana alady. Bul qyzmetti alýshyǵa kólikti tezirek tańdaýǵa, onlaın rejıminde tapsyrys mártebesin qadaǵalaýǵa jáne jasalǵan saparlarǵa monıtorıng jasaýǵa múmkindik beredi. Atalǵan qosymshada múgedektigi bar adamdar júrgizýshige sapardaǵy erekshe qajettilikteri týraly eskertýi úshin arnaıy múmkindikter ekrany iske qosyldy. О́z kezeginde, júrgizýshiler adamdy kólikke otyrǵyzý, basqa da kómek kórsetýge arnalǵan arnaıy nusqaýlar alady», delingen mınıstrlik habarlamasynda.
Pılottyq jobaǵa Astana men Almaty qalalarynan múgedektigi bar adamdardyń fokýs-toby qatysady.
