Foto: interiorcom.ru
О́ńirge jumys saparymen kelgen Premer-mınıstrdiń orynbasary Qanat Bozymbaev osyndaı izgi nıet tanytqan birqatar alpaýyt kompanııanyń ókilderimen júzdesip, «ADD Capital» holdınginiń negizin qalaýshy Danııar Ábilǵazın, «ERG» kompanııasy dırektorlar keńesiniń múshesi Shýhrat Ibragımov, «Allıýr» jáne «AgromashHoldıng» kompanııalary dırektorlar keńesiniń tóraǵasy Andreı Lavrentev, sondaı-aq «RG Brands» basqarma tóraǵasy Tımýr Qaltaev tárizdi kásipkerlermen júzdesip, olardy alda atqarylatyn jumys kólemimen tanystyrdy.
Qostanaı, Arqalyq qalalary men Amangeldi, Jangeldın, Qarasý, Qostanaı aýdandarynda jarııalanǵan jergilikti aýqymdaǵy tótenshe jaǵdaı áli kúshin joıǵan joq. О́ńirdegi 2 evakýasııa pýnktinde 160 adam turyp jatyr. Olarǵa tabıǵı apattan kelgen shyǵyndy óteý, onyń ishinde sý astynda qalǵan saıajaı baspanasy úshin ótemaqy tóleý tártibi túsindirildi.
Altynsarın aýylynda 300 úıdiń 151-ine sý kirgen. 52 úı qalpyna keltirýge jaramaıdy. Endi bul úılerdiń ornyna jańa úı salynady nemese halyqtyń qalaýymen basqa jerden páter beriledi. Qazirdiń ózinde oblys ortalyǵynan jańa páter alýǵa 30 turǵynmen kelisimshart jasalǵan. Turǵyndarǵa kásipker Danııar Ábilǵazınniń «Aıala» qory kómek kórsetip jatyr. D.Ábilǵazın Qostanaı aýdany men Arqalyq qalasyndaǵy 65 otbasyna 1,5 mlrd teńge jeke qarajatyna páter satyp alyp bergen. Munyń syrtynda, «Demeý» qoryna taǵy 500 mln teńge aýdarady.
«Altynsarın aýylynda jartylaı sý astynda qalǵan úıimdi komıssııa turýǵa jaramsyz dep tanydy. Bizge birden kómek kórsetilip, qajet dúnıeniń bárimen qamtamasyz etti. Úsh balam bar, búgin, mine, jańa úıden úsh bólmeli páter berilip jatyr. Qatty qýanyp turmyz. Osyndaı qıyn sátte qasymyzdan tabylǵan Úkimet adamdaryna alǵysymyz sheksiz» deıdi Qostanaı oblysynyń turǵyny Ásem Kamalova.
Jalpy, oblys turǵyndarynan birjolǵy tólem alýǵa 3 myńnan asa ótinish kelip túsken. Búginde 2 myńǵa jýyq otbasyna 705,2 mln teńge kóleminde qarjylyq kómek kórsetildi. Zardap shekken azamattardyń bárine 100 AEK kóleminde ótemaqy tóleý – ákimdikter men máslıhattardyń quzyrynda. Sondaı-aq sý tasqynynan zardap shekken turǵyndar joǵalǵan nemese búlingen múlki úshin 150 AEK-ke deıingi mólsherde ótemaqy alýǵa quqyly. Mundaı múlikter tizimine tamaq saqtaýǵa jáne daıyndaýǵa arnalǵan zattar, asúı jıhazy, jatyn jıhaz, azamattardy aqparattandyrý quraldary, sýmen jabdyqtaý jáne jylytý quraldary kiredi. Vıse-premer arnaıy komıssııalarǵa sý tasqynynan kelgen shyǵyndy baǵalaý jumysyn 10 mamyrǵa deıin aıaqtaýdy tapsyrdy. Eń bastysy, jergilikti atqarýshy bılik kún sýytpaı turyp úısiz qalǵan jurttyń bárin jaıly baspanamen qamtamasyz etýi kerek.
Qoryta aıtqanda, iri kásipkerler óńir turǵyndaryna 378 úı satyp alyp beredi jáne 638 úıge jóndeýge kómektesedi.
«Mundaı qıyn ýaqytta bıznes ókilderi áleýmettik jaýapkershilik degen uǵymdy shyndap sezinýge tıis. Qostanaı oblysynda bizdiń birneshe kásipornymyz bar. Qyzmetkerlerimiz tabıǵı apatqa qarsy kúreske, aýyl turǵyndaryn, atap aıtqanda, balalardy sý basý aımaǵynan shuǵyl evakýasııalaýǵa belsendi túrde qatysty. Arqalyq mańyndaǵy aýyldarǵa bógetter salý úshin arnaıy tehnıka jiberdik. Baspanasyz qalǵan jandar úshin biz daıyn baspana satyp alamyz», dedi ERG kompanııasynyń ókili Shýhrat Ibragımov.
«Eurasian Resources Group» kompanııasynyń aksıonerleri sý tasqynynyń alǵashqy kúnderinde 400 mln teńge, sondaı-aq apat saldaryn joıýǵa jáne turǵyndarǵa qoldaý kórsetýge 40 mlrd teńge qarjy bólgenin aıta ketken jón. Atalǵan qarajat jol salýǵa, ınjenerlik ınfraqurylymdy qaıta jańǵyrtýǵa jáne mektepterdi kúrdeli jóndeýden ótkizýge jumsalady.
Kásipker Andreı Lavrentev te tasqyn zardabyn joıýǵa 3 mlrd teńge bóletinin aıtty. Bul qarjyǵa 140 úı salynady nemese 96 páter satyp alynady. Sondaı-aq 400 úı kúrdeli jóndeýden ótedi. A.Lavrentev basqaratyn kompanııa buǵan deıin apatqa qarsy kúres sharalaryn qoldaý maqsatynda «Demeý Qazaqstan qoryna» 500 mln teńge aýdarǵan edi.
«Birliktiń kúshi ádette osyndaı qıyndyqta tanylady. Qostanaı oblysynda sý tasqyny bastalǵanda myńnan asa qyzmetkerimiz ákimdik pen arnaıy qyzmetterdiń mamandarymen birge dambylardy kúsheıtýmen aınalysyp, turǵyndardy evakýasııalyq pýnktterge jetkizýge kómektesti. Qostanaı – ózimizdiń týǵan ólkemiz, bizdiń barlyq kásiporyndarymyz osynda. Bólingen qarajatqa páterler satyp alynady, úı salynady. Biz Memleket basshysynyń úndeýin tolyq qoldaımyz jáne Úkimetpen birlese otyryp ózimizge júktelip otyrǵan mindetti abyroımen atqaryp, aıaǵyna deıin jetkizemiz degen oıdamyn», dedi A.Lavrentev.
«RG Brands» kompanııasy da óńirde turǵyn úı salýǵa jáne úılerdi qalpyna keltirýge 1,46 mlrd teńge bólmek.
Qostanaı oblysy
