Kún tártibinde Memleket basshysy Qasym-Jomart Toqaev pen Qatar memleketiniń Ámiri sheıh Támım ben Hamad Ál Tánı arasynda bıylǵy aqpan aıynda qol jetkizilgen ýaǵdalastyqtardyń oryndalýyn baqylaý máselesi qaraldy.
«QazaqGaz» UK» AQ basqarma tóraǵasy Sanjar Jarkeshov birlesken gaz jobalaryn iske asyrý barysy týraly baıandady. Qatardyń «UCC Holding» kompanııasymen birge qýattylyǵy jylyna 1 mlrd m3 jáne 2,5 mlrd m3 bolatyn eki gaz óńdeý zaýyty, jańa KS-14 kompressorlyq stansasy jáne «KS-14-Qostanaı-Aqtóbe» magıstraldy gaz qubyry, sondaı-aq «Beıneý-Bozoı-Shymkent» MGQ ekinshi jelisi salynady.
GО́Z qurylysy óńdeý qýatyn arttyrý arqyly shıki gazdy tıimdi paıdalanýǵa baǵyttalǵan. «Beıneý-Bozoı-Shymkent» magıstraldy gaz qubyrynyń ekinshi jelisin salý ońtústik, ortalyq jáne soltústik óńirlerdi gazben jabdyqtaýdyń, sondaı-aq eksport kólemin saqtaýdyń arqasynda elimizdiń energetıkalyq qaýipsizdigin qamtamasyz etedi.
Jańa kompressorlyq stansa men «Aqtóbe-Qostanaı» magıstraldy gaz qubyryn iske qosý Qostanaı oblysynyń halqy men óńirdiń ónerkásip kásiporyndaryn kógildir otynmen qamtamasyz etýge múmkindik beredi.
Jıynǵa qatysýshylar mámileniń negizgi sharttaryn bekitti. «QazaqGaz» jáne «UCC Holding» jalpy mańyzdy tórt joba boıynsha ortaq kelisimge kelgeni atap ótildi. Aldaǵy ýaqytta olardy birlesip júzege asyrý jumystary bastalady.
Premer-mınıstr jobalardy iske asyrý kezinde «QazaqGaz» ulttyq kompanııasy tobynyń ishki quzyretterin jáne otandyq óndirýshilerdiń ónimderin barynsha paıdalanýdy tapsyrdy. Sonymen qatar Energetıka mınıstrligine gaz salasynyń tabystylyǵyn ári qaraı arttyrý jóninde tapsyrmalar berildi.
«Qazaqstan Prezıdenti men Qatar Ámiri arasyndaǵy ýaǵdalastyqtar elimizdiń ekonomıkasy úshin asa mańyzy bar birqatar mega-jobany birlesip iske asyrýǵa múmkindik beredi. Biz elimizde zamanaýı qýatty gaz ónerkásibin qurý jolynda ornyqty túrde alǵa jyljyp kelemiz. Jobalardy iske asyrýda eshqandaı irkilister bolmaýy kerek. Barlyq másele meniń jeke baqylaýymda», dep atap ótti Oljas Bektenov.
Energetıka mınıstrligi men «QazaqGaz» málimetterine sáıkes, 2024 jyly Qazaqstanda gaz óndirý kólemi 60,456 mlrd m3 deıin ósedi dep kútilýde. О́ndiristiń 85%-dan astamyn Teńiz (27%), Qarashyǵanaq (38%) jáne Qashaǵan (20%) jobalary qamtamasyz etip otyr. Gaz salasynyń damý qarqynyn elimizde keıingi jyldary gaz óndirýdiń turaqty ósip kele jatqanynan baıqaýǵa bolady. 2024 jyly taýarlyq gaz óndirisi 28,054 mlrd m3 kóleminde josparlanyp otyr. Gazdyń boljamdy balansyna sáıkes 2024 jyly aǵymdaǵy ishki tutyný 20,9 mlrd m3 quraıdy.
