Foto: depositphotos.com
Ýnıversıtetpen shart negizinde áreket etetin medısınalyq uıymnyń qyzmetkeri osy jyldyń 6 aqpanynda WhatsApp arqyly flıýorografııalyq zertteýden ótý úshin stýdentter tizimi jınaqtalǵan Excel formatyndaǵy qujattardy jibergen. Qujatta stýdentterdiń aty-jóninen basqa, medısına qyzmetkeriniń qupııasyna jatatyn málimetter de ashyq joldanǵan edi.
Alaıda Sıfrlyq damý mınıstrligi osy iske qatysty vedomostvoǵa jeke derekteri tizimde bolǵan azamattardan ótinishter túspegenin málimdedi.
«Almaty qalasynyń Polısııa departamenti Qazaqstan Respýblıkasynyń derbes derekter jáne olardy qorǵaý týraly zańnamasynyń talaptaryn buzý boıynsha qylmystyq is qozǵady. Osy is sheńberinde mınıstrlik qyzmetkerleri maman retinde tartyldy, nátıjesinde ýnıversıtettiń is-áreketteri boıynsha saraptamalyq qorytyndy usynyldy», delingen mınıstrlik habarlamasynda.
Qylmystyq istiń qorytyndysy boıynsha qylmystyq quqyq buzýshylyq faktileri bolmaǵan jaǵdaıda Sıfrlyq damý mınıstrligi ákimshilik jaýapkershilikke tartý máselesin qadaǵalaıdy.
