«Memleket basshysynyń, Úkimettiń tapsyrmasyna sáıkes biz densaýlyq saqtaý salasynyń damýyna, medısına uıymdarynyń materıaldyq-tehnıkalyq bazasynyń nyǵaıýyna, olardyń qajetti medısınalyq qural-jabdyqtarmen qamtamasyz etilýine, tapshy kadrlardy daıarlaýǵa erekshe kóńil bólip kelemiz. El ıgiligine jańa ǵımarattar tabystap, sala mamandarynyń halyqqa sapaly qyzmet etýi úshin barlyq jaǵdaı jasalyp otyr. Osynyń nátıjesinde ótken jylmen salystyrǵanda ana ólimi 5,7 ese, sábılerdiń shetineýi 13,4%-ǵa tómendedi. Byltyrǵy qorytyndyda 3 negizgi medıko-demografııalyq kórsetkishtiń nysanaly ındıkatoryna qol jetti. О́tken jyly respýblıkalyq jáne jergilikti bıýdjetten 52,1 mlrd teńge qaralyp, 23 medısınalyq nysan boı kóterdi. Onyń 17-siniń qurylysy aıaqtaldy. Bıyl 5,5 mlrd teńge qarjy bólinip, 5 nysan qurylysy júrgizildi, onyń ekeýi paıdalanýǵa berilip otyr. Buǵan qosa «Aýyldyq densaýlyq saqtaýdy jańǵyrtý» ulttyq jobasy aıasynda 11 nysan qurylysyna satyp alý konkýrsy jarııalandy. Merdigerler anyqtalysymen qurylysty bastaımyz. Nysandar jyl sońyna deıin qoldanysqa beriledi», dedi oblys ákimi.
Oblys basshysy mınıstrden Qyzylorda qalasy men aýdandarda salynýǵa tıis birqatar medısınalyq nysan qurylysyna qarjy bólýge yqpal etýdi surady. Qyzylorda qalasyndaǵy №4 jáne №5 qalalyq emhanalardyń qurylysy sheshimin tappaı kele jatqanyna biraz boldy. Oblystyq medısınalyq jedel járdem stansasynyń bólimshelerine modýldik jedel járdem stansasyn salý qajettigi de anyq baıqalyp otyr.
Aqmaral Sháripbaıqyzy aımaqtyń medısına salasyndaǵy jetistikterin atap ótip, óńir basshysy kótergen máseleler zerttelip, sheshý joldary qarastyrylatynyn aıtty. BAQ ókilderine arnalǵan brıfıngte mınıstr Memleket basshysynyń tapsyrmasy aıasynda aýyldyq eldi mekenderdegi bastapqy medısınalyq-sanıtarlyq kómektiń sapasyn arttyrý jobasy, medısına salasynda kórsetiletin qyzmetter men MÁMS júıesin jetildirýdiń mańyzyna toqtalyp ótti. О́ńirlerdegi medısına salasynyń áleýetin arttyryp, baǵdarlamalar tıimdiligin júzege asyrýdy kózdegen sapardyń maqsaty da – mamandarmen, qarapaıym jurtshylyqpen júzdesip, usynys-pikirlerin tyńdaý. Jalpy, keıingi úsh jylda sala qyzmetine qatysty halyqtan túsken aryz-shaǵymdar eseleı artqan. Olardyń basym kópshiligi emhanalardyń qyzmetine qatysty bolyp otyr. Turǵyndardy joldama alýdaǵy qıyndyqtar, medısınalyq kómekpen qamtylýdaǵy tekseristerdiń uzaqtyǵy da qatty alańdatatyny anyqtaldy. Qazir mınıstrlik osy máselelerdi kezeń-kezeńimen sheshýge kirisip, saladaǵy birqatar zańdarǵa ózgeris engizý bastalyp ketti.
«Bizdiń saladaǵy eń ózekti máselelerdiń biri – maman jetispeýshiligi. Osy kúni Qyzylorda oblysynyń ózinde ǵana 150-den asa dáriger maman jetispeıdi. Osyǵan sáıkes, oblys ákimdigi jáne oblystyq densaýlyq saqtaý basqarmalary medısınalyq oqý oryndary basshylarymen baılanysty jolǵa qoıyp, bilim alyp jatqan stýdentterdiń óńirlerge kelip jumys isteýine múmkindik jasap otyr. Elimizde júrek-qan tamyrlary aýrýymen aýyratyn azamattardyń kóbeıýi de máselege aınalyp otyrǵanyn bilesizder. Sondyqtan da atalǵan aýrýdyń aldyn alý jáne azamattarymyzdyń densaýlyǵyn jaqsartý baǵytyndaǵy tıisti jumystar qolǵa alyndy», dedi A.Sháripbaeva.
Eldegi demografııalyq ósimniń artýyna úlken úles qosyp otyrǵan Túrkistan men Qyzylorda oblystary úshin balalar dárigeriniń orny bólek. Osy saparda mınıstrliktiń jaýapty ókilderinen bólek mamandar daıarlaıtyn joǵary oqý orny basshylary da jurttyń usynys-pikirlerine qulaq túrdi. Sapar aıasynda mınıstr Jańaqorǵan, Shıeli aýdandarynda bolyp, ondaǵy emdeý mekemeleriniń jumysymen tanysty. Oblys ortalyǵyndaǵy kópsalaly aýrýhana jumysyn kórdi, turǵyndarmen kezdesti. Azamattardy jeke ótinishteri boıynsha qabyldady.
Qyzylorda
