Qoljetimdi ortaǵa qadam

Oblystyq jumyspen qamtýdy úıles­tirý jáne áleýmettik baǵ­darlamalar basqarmasy dere­ginshe, byltyrǵy 366 nysandy beıimdeý jumystaryna bıýdjetten jáne bıýdjetten tys kózderden 45,1 mln teńge jumsalyp, respýblıkalyq Qoljetimdiliktiń ınteraktıvti kartasyna engizilgen. Al bıyl 374 nysandy beıimdeý josparlanyp otyr.

Oblysta 40 avtokólik ınvataksı qyzmetin júzege asyryp keledi. Onyń 11-i kreslo-arbamen júretin múgedektigi bar adamdarǵa beıimdelgen. Invataksı qyzmetin qamtamasyz etýge bıyl bıýdjetten 124,3 mln teńge bólinipti. Oblys ákimi Nurlybek Nálibaevtyń usynysyna sáıkes osy jyly «Halyq bank» AQ «100 ıgi is» naýqany aıasynda Qyzylorda jáne Baıqońyr qala­laryna múgedektigi bar adamdardy tasymaldaýǵa quny 23 mln teńge turatyn arnaıy eki ınvataksı kóligin syıǵa tartty.

Múgedektigi bar azamattardyń qu­qyq­ta­ryn qamtamasyz etý jáne ómir súrý sapasyn jaq­sartý jónindegi Ulttyq jospar, Memleket basshysynyń tapsyrmasymen ázirlengen «Amanat» partııasynyń Jol kartasy jáne «Halyqpen birge» jobalary aıasyndaǵy jumystar nátıjesinde óńirdegi qol­jetimdi ortaǵa qadam jasaýdyń kór­set­kishi kóńil qýantady.

«Keıingi ýaqytta memlekettik mekemeler, áleýmettik nysandar keri baılanys ornatýǵa nazar aýdaryp, múgedektigi bar adam­­dardyń qozǵalysyn jeńil­detýge arnalǵan pandýstar jasap, standartqa sáıkes esikti keńeıtip, arnaıy turaq jasaqtaýǵa kóńil bólip otyr. Qoǵamda bizdi estip, talabymyzdy eskeretinder kóbeıgeni qýantady. Mysaly, byltyr «Otbasy bank» arnaıy kótergish ornatty. Qalada pandýstary bar avtobýstardyń sany artty», deıdi «Qyzylorda oblystyq múgedekter qoǵamy» qoǵamdyq birlestiginiń tóraǵasy Saǵatbek Sııýov.

Eńbek jáne áleýmettik qorǵaý komı­te­tiniń Qyzylorda oblysy boıynsha aýmaq­tyq departamenti múgedekterge kedergisiz orta qalyptastyryp, qol­jetimdi­likti arttyrý baǵy­tyndaǵy jumystardy baqy­lap otyra­dy. Bıylǵy I toq­­sanda memleket­tik basqarý, den­saý­lyq saqtaý, áleýmettik qorǵaý, mádenıet, basqa da sala­lardaǵy áleýmettik ınfra­qury­­lym nysandaryna 47 tekserý júrgizgen. Onyń 32-si profılaktıkalyq baqylaý aıasynda bolsa, 14-i prokýratýra talabymen ótken. Tekserý qorytyndysynda anyqtalǵan buzýshylyqtardy joıýǵa
22 uıǵarym berilip, 3,6 mln teńgeden asatyn 40 ákimshilik aıyppul salyndy.

Múgedektigi bar balany tárbıelep otyrǵan ata-ananyń ótinishimen Qyzylorda qalasy ákimdiginiń jumyspen qamtý jáne áleýmettik baǵdar­lamalar bólimine múge­dek­tigi bar adamdardy ońaltý jáne ońaltýdyń jeke baǵdar­lamasynyń protezdik-ortope­dııalyq kómekpen qamtamasyz etý jumysynyń oryndalýy­na jospardan tys tekserý júrgizildi. Onyń qorytyndysynda balanyń korsetpen qamtamasyz etilmegeni anyqtalyp, buzýshylyqtardy joıý týraly nusqama berildi, ákimshilik aıyppul salyndy.

Oblystyq jumyspen qamtý­dy úılesti­rý jáne áleýmettik baǵdarlamalar bas­qar­masy máli­metinshe, byltyr 30 232 óti­nish berýshiniń 29 901-i áleýmettik ońaltý sharalaryn alyp, jospar 99 pa­ıyzdan asyra oryndalypty. Al bıylǵy 3 aıda áleýmettik qyzmetter portaly arqyly 16 563 múgedektigi bar jan­nyń 12 293-i ońaltýdyń jeke baǵ­darlamasy­na sáıkes tehnıka­lyq ońaltý quraldarymen qam­tamasyz etilip, oryndalýy ja­ǵ­ynan óńir respýblıka bo­ıyn­sha birinshi orynǵa shyq­ty. Osy jylǵa múgedektigi bar adam­­dardyń ońaltýdyń jeke baǵdar­la­­ma­syn oryn­daýǵa respýb­lıkalyq jáne oblys­tyq bıýdjetten barlyǵy 6,6 mlrd teńge bólinip otyr.

Sonymen qatar sanatorıı-kýrorttyq emdelý qyzmetine ońaltýdyń jeke baǵdarlamasy ázirlengen birinshi toptaǵy múgedektigi bar adamdarǵa jylyna bir ret ilesip júrýshiniń shyǵyndary byltyr 1 adamǵa 40 AEK bolsa, bıyl 60 AEK mólsherinde óteledi. Respýblıka kú­nine oraı oblys boıynsha barlyq sanattaǵy múgedektigi bar azamattarǵa 3 aılyq esep­tik kórsetkish mólsherinde birrettik áleýmettik kómek berýge oblystyq bıýdjetten qarjy bólindi.

Erekshe qajettiligi bar bala­larǵa qosymsha ońaltý qyzmet­terin kórsetý úshin óńirde ıppoterapııamen ońaltý qyzmeti júzege asyrylyp kele jatqanyn da aıta ketken jón. Byltyr oblystyq bıýdjetten 26 mln teńge bólinip, memlekettik áleýmettik tapsyrys arqyly 200 balaǵa qyzmet kórsetildi. Nátıjesinde, at sporty boıynsha respýblıkalyq paralımpıadalyq jarystarǵa qatys­qan qyzmet alýshylar ke­ıingi eki jylda júldeli oryn­darǵa ıe bolyp otyr. Bıyl bu­ǵan 24,4 mln teńge bólinip, mem­­­lekettik satyp alý qory­tyn­­dy­symen «Altaır-Bóbek» qoǵamdyq qory 150 balaǵa qyzmet kórsetedi.

Memlekettik áleýmettik tapsyrys negizinde 2022 jyldan bas­tap múgedektigi bar adamdar men balalardy áleýmettik qoldaýǵa arnalǵan is-sharalar ótkizilip keledi. Byltyr oblystyq bıýdjetten 9,3 mln teńge bóli­nip, «Qyzylorda oblysynyń múgedekter qoǵamy» qoǵamdyq birlestigimen jasalǵan shart negizinde múgedektigi bar adamdar men balalardyń qatysýymen sport jarystary, festıvaldar uıymdastyrylyp, kınozaldar men teatrǵa baryp, mýzeılerdi aralady, tarıhı oryndarǵa saıa­hat jasady. Bıyl osyndaı is-sharalar úshin bıýdjetten 12,8 mln teńge bólinip otyr.

Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasyna qarasty 150 tósek-oryndyq «Múgedekterge arnalǵan ońaltý ortalyǵy» KMM-synda zamanaýı talaptarǵa sáıkes qural-jabdyqtarmen qamtylǵan emdik kabınetter, dári egý, ýqalaý, emdik deneshynyqtyrý bólmeleri, bıovanna, sensorlyq kabınetter, trenajer zaly, májilis zaly, sport zal, shashtaraz, kitaphana, tigin, aǵash sheberhanalary bar. Ońaltý sharalary aıasynda qyzmet alýshy basseın, tirek-qımyl apparattaryn qalpyna keltirýge arnalǵan túrli qurylǵylar, loko­mat apparatyn paıdalanýmen qatar, óz qolymen ekken jemis-jı­dekterdi qarap, saıabaqta ty­ny­ǵady. Byltyr ortalyqta ońaltý is-sharalarynan ótken 1 054 adam­nyń 185-iniń, bıylǵy 3 aıda qyzmet alǵan 280 adamnyń 73-niń densaýlyǵynda oń nátıje baıqalǵan.

Bıyl oblystyq máslıhat depý­tat­tarynyń qoldaýymen múge­dektigi bar adam­darǵa ońal­­tý sharalaryn júrgizýge arnal­ǵan zamanaýı medısınalyq qu­ral-jabdyqtar satyp alýǵa ob­lys­tyq bıýdjetten 270 mln teń­ge, sonyń ishinde «KRISAF» (tirek­siz kúıdegi lokomotorlyq tera­pııaǵa arnalǵan aqparattyq-baǵ­darlamalar keshenin) medı­sınalyq qurylǵysyn satyp alýǵa 204 mln teńge bólinip, memlekettik satyp alý jumystary júrgizilip jatyr.

Qoǵamdyq oryndarda, jańa­dan salynyp jatqan alleıa, ǵımarattarǵa aıyna bir márte reıd jumystaryn júrgizip turatyn «Qyzylorda oblys­tyq múgedekter qoǵamy» QB músheleri de keıingi jyldary memlekettik mekemeler tarapynan oń kózqaras baıqalyp otyrǵanyn aıtady.

«Endi túrli dárihana, tamaq­taný oryndary solardan úlgi alsa eken. Olardyń kópshiligine múgedektigi bar jandardyń kirip-shyǵýy áli de qıyndyq týdyrady. Pan­dýs­tardyń yńǵaısyzdyǵy, baspaldaq qatarlarynyń kóp­tigi de biz úshin az kedergi emes. Kásip­kerler arasynda bul máse­lege túsinistikpen qarap, biz úshin jaıly jaǵdaı jasap otyrǵandar da bar. Osydan 3-4 jyl burynǵy ahýalmen salystyrǵanda qazir oblysta qoljetimdi orta qalyp­tastyrý qadamdary aıqyn kóri­nedi», deıdi qoǵamdyq bir­lestik tóraǵasy S.Sııýov.

Qyzylorda