Jınalys aıaqtalǵannan keıin 100-ge jýyq Maraldy turǵyny fabrıka qurylysyn toqtatý týraly beıneúndeý túsirý úshin fabrıka aýmaǵyna kirgen. Kásiporyn basshylyǵynyń málimeti boıynsha, olardyń qyzmetkerleri dene jaraqatyn alyp, sondaı-aq materıaldyq shyǵynǵa ushyraǵan. Jeke qaýipsizdikti qamtamasyz etý úshin kásiporyn qyzmetkerleri men kúzetshiler ol aýmaqtan ketýge májbúr bolǵan.
Polısııa jáne SOBR qyzmetkerleri jınalǵandardy quqyqtyq tártipti saqtaýǵa shaqyryp, zańnamany túsindirdi. Bul rette olarǵa kúsh qoldanylmady.
Atalǵan fakti boıynsha ShQO polısııa departamenti sotqa deıingi tergeý júrgizip jatyr.
Esterińizge sala keteıik, 2013 jyldan beri Maraldy aýylynda geologııalyq barlaý jumystary júrgizilýde. Qorlar anyqtalǵannan keıin 2022 jyly altyn óndirý fabrıkasyn salý jobasy bastaldy.
Jobany beıindi mınıstrlikter maquldap, qorshaǵan orta úshin óndiris qaýipsizdigi týraly qorytyndylar berilgen. Qoǵamdyq tyńdaýlar men dóńgelek ústelder ótkizilip, onda túrli sarapshylar jobanyń ekologııalyq qaýipsizdigi týraly tolyq qorytyndy bergen.
