Senimdi dıalog alańy

Qazaqstan Respýblıkasy Premer-mınıstriniń orynbasary – Syrtqy ister mınıstri Murat Nurtileý eki el arasyn­daǵy daýly máselelerdiń túıini túbegeıli tarqaýyna tilektestik bildirip, Almaty TMD elderi úshin tarıhı oqıǵalardyń ortalyǵy bolǵanyn atap ótti. Bul rette KSRO-nyń 11 eli qol qoıǵan 1991 jylǵy Almaty deklarasııasyn aıryqsha ataý­ǵa bolady. Sondyqtan kelissóz­ge Almaty arnaıy tańdalǵa­nyna Armenııa men Ázerbaı­jan Qazaqstannyń mańyzdy strategııalyq seriktesteri ekenine toqtaldy.

«Ázerbaıjan men Arme­nııa – biz úshin jaqyn elder. Taraptarǵa jemisti jumys pen senimdi dıalog tileımin», dedi M.Nurtileý.

Eki eldiń syrtqy saıası vedomstvalarynyń basshy­lary 1991 jylǵy Almaty dekla­ra­sııasy­nyń Ázerbaıjan men Armenııa arasyndaǵy qaty­nastar­dy retteý, onyń ishinde shekarany delımıtasııalaý prosesinde mańyzdy ról atqarǵanyn eskere otyryp, Almaty qalasyndaǵy kezdesýdiń sımvoldyq sıpatyna mán berdi.

«Armenııa men Ázerbaıjan ara­syndaǵy qarym-qatynasty qa­lypqa keltirý úderisi boıynsha tu­raqty kezdesýler ótip, beıbit keli­simge kelý baǵytynda birqatar qadam jasalyp jatyr. Bizge kezdesý alańyn usynǵan Qazaqstanǵa alǵys aıtamyz. Delegasııalar sońǵy ret eki aı bu­ryn Berlınde kezdesken bolatyn. Tarap­tar beıbitshilik kelisimine kelý úshin, olardyń ustanymdaryn kórsetetin qujattarmen almasý júrgizildi», deıdi Djeıhýn Baıramov.

Kelissózderdiń naqty qandaı sheshimmen aıaqtalatyny ázirge belgisiz. Kezdesýge kelgen taraptar óz talap-tilekterin ortaǵa salǵan júzdesýdi jýrnalısterdiń qatysýynsyz jalǵastyrdy.

«Armenııa beıbitshilik kelisimi­ne naqty mán berip otyr. Biz kelissóz úderisine tııanaqty qatysamyz. Menińshe beıbitshilik kelisimine qol qoıýmen shektelip qalmaı, ári qaraı qadam basýymyz kerek. Barlyq kólik ınfraqurylymy olar ótetin elderdiń egemendiginde qalatynyn eskerip, basqa da názik máselelerge meılinshe mán bergen abzal. Ekijaqty beıbitshilik úderisin ilgeriletýge alań usynyp, belsendilik tanytqan Qazaqstan Prezıdentine alǵys aıtqym keledi. Búgingi kelissózder osy úderiske óz úlesin qosatynyna senim bildiremin», dedi Ararat Mırzoıan.

Aıta ketý kerek, kelissózder oty­rysyna deıin Almatyǵa kelgen qos eldiń Syrtqy ister mı­nıstr­­leri Qazaqstan Syrtqy ister mı­nıstri Murat Nurtileýmen kez­de­sip, óńirlik ekonomıkalyq jáne kó­lik­­tik ózara baılanysty damytý má­se­­leleri boıynsha pikir almasty.

Kezdesý barysynda elder ara­syndaǵy strategııalyq áriptestik pen odaqtastyqty odan ári nyǵaıtý máseleleri talqylanyp, taýar aınalymy men tranzıttik-kóliktik áleýet kólemin ulǵaıtý jaıy saralandy.

ALMATY