Medısınalyq mekemege de menedjer kerek

Qazaqstan densaý­lyq saqtaý mened­jer­­leriniń qaýym­das­tyǵy bastamashy bolyp ót­kiz­gen dóńgelek ústelde bilikti mamandar kadr daıarlaý saıasatyna qatysty birneshe máseleni kún tártibine shyǵardy. Is-sha­rany ótkizýge Nazarbaev ýnı­versıtetiniń Medısına mektebi de múddeli bolypty. Onlaın jáne oflaın formatta ótken bas­qosýǵa Densaýlyq saqtaý mınıstr­liginiń ókilderi, sala sarap­shylary, joǵary oqý oryn­darynyń ǵylymı qyzmetkerleri qatysty. Olar densaýlyq saqtaý júıesine qatysty oı-pikirin qoryta kele salaǵa menedjer daıarlaý isine qatysty usynys-pikir aıtty. Densaýlyq saqtaý mınıstrligi ǵylym jáne adamı resýrstar departamentiniń dırektory Almagúl Qaýysheva kásibı maman daıarlaýǵa qatysty qoldanystaǵy talaptar jóninde baıandap, ol erejelerdiń artyq­shylyǵy men kemshin tustaryn qaýzady.

– Áýeli mamannyń bazalyq me­dısınalyq bilimi bolýǵa tıis. Osydan keıin menedjment ba­ǵytynda bilimin arttyrýdy jos­parlaǵandar nemese keleshekte basshylyq qyzmette eńbek etýdi oılaǵandar densaýlyq saq­­taý menedjmenti boıynsha profıldi magıstratýraǵa oqýǵa túsedi. Mundaǵy másele sol menedj­menttegi kadrlardy kim daıarlap jatyr degen saýalǵa kelip tireledi. Magıstratýrada bilim baǵdarlamalary shyn­dyqtan qashyqtaý emes pe? Kim sabaq beredi? Shyn máninde emhanada ju­mys istegen maman ba? Sebebi emhanada jumys istemegen maman ishki júıeni bile bermeıdi ǵoı. Sondyqtan árip­testerdi joǵary oqý oryndarymen tyǵyz jumys isteýge shaqyramyn. JOO-nyń bilim berý baǵdarlamalary jó­nin­degi komıtetine jumys be­rý­shilerdi qosý kerek. Osy­laı­sha, sala basshylaryna qandaı daǵ­dylar keregin bilýge bolady. Bul – salaǵa bilikti menedjer da­ıyn­daýdyń bir joly. Menedj­ment­te bilim shyńdaýdyń budan ózge taǵy eki joly bar. О́ıtkeni qazir menedjmentti magıstratýrada jas mamandar oqymasa, salada ysylǵan nemese basshylyq qyzmette eńbek etetin mamandarǵa qıyn. Kúndelikti sabaqqa baryp qatysýǵa ýaqyt tabyla bermeýi múmkin. Ári magıs­tratýraǵa oqý­ǵa túsý de jeńil emes. Mundaı jaǵ­­daı­da mamandar kýrstan ótip, shyń­­­dal­sa bolady, – deıdi A.Qaýy­sheva.

Qazaqstan densaýlyq saqtaý menedjerleriniń qaýymdastyǵy salaǵa menedjer daıarlaý isine qatysy bar taraptardyń basyn qosqan soń, basshynyń kásibı standarttaryna qatysty usy­nystarǵa basymdyq berildi. Den­saýlyq saqtaý mınıstrligi sala me­nedjerleriniń jańasha bilim alyp, qıyn-qystaý kúnderde sala­daǵy máselelerdi jeńil eńse­retindeı qarym-qabileti bol­ǵanyn qalaıdy. Zamanaýı menedjerge qarjylyq máselege, qu­qyqtyq saýattylyqqa kelgende tereń bilim qajet. Onyń ústine mindetti áleýmettik medısınalyq saqtandyrý júıe­si engizilgeli turǵyndardyń medı­sınalyq kómektiń sapasyna qatysty talaby joǵa­ry­lady. Sondyqtan atalǵan qaýym­dastyqtyń densaýlyq saq­taý menedjerleriniń kásibı stan­darttaryn ázirleý boıynsha úlken joba-josparlary bar. Onda jańashyl basshyǵa qoıylatyn talaptar, mindetter qamtylady. Menedjerlerdi daıarlaýdyń halyqaralyq standarttary basshylyqqa alynady.

Dóńgelek ústelge onlaın qo­sylǵan Súleımen Demırel atyndaǵy ýnıversıtettiń professory, qaýymdastyq mú­shesi Nurjan Muqashev densaý­lyq salasyndaǵy kóshbasshylyq, menedjment jóninde baıandady. Halyqaralyq tájirıbelerdi mysal etti.

– Búginde qaýymdastyqpen birge salada bilikti basqarý­shylardyń kásibı daǵdylaryn jetildirýdiń qandaı múmkin­dikteri baryn túsinýge tyrysyp jatyrmyz. Densaýlyq saqtaý salasynyń ózi jyldan-jylǵa damyp jatqan soń, basqarýshyǵa qoıylatyn talap kúsheıedi. Basshylardyń bilim-biligi synalady. Basshylar daıyn bolmasa, qarjylyq qıyn jaǵdaıǵa tap bolǵan mezgilde, betin aýlaq, tótenshe jaǵdaıda ońtaıly sheshim qabyldaý qıyn bolady. Halyqaralyq zertteýlerge úńilsek, densaýlyq saqtaý salasynda qarjyny shyndap tıimdi paıdalaný, pasıentterdiń ahýaly jaqsarýy syndy máseleler basshylardyń biliktiligine, táji­rıbesine, basqarýshylyq qa­bi­letine baılanysty qubyla­ty­nyn baıqaýǵa bolady, – deıdi N.Muqashev.

Negizi Qazaqstan densaý­lyq saqtaý menedjerleriniń qaýymdastyǵy 2017 jyly qu­rylǵan. 2021 jylǵy 26 qańtarda Ádilet vıse-mınıstri Azamat Ámir­ǵalıevtiń sheshimimen res­pýb­lıkalyq uıym mártebesin alǵan. Qaýymdastyq áýelden densaýlyq saqtaý salasynyń basshylary úshin kóshbasshylyq pen ınnovasııanyń kózi bolýǵa tyrysyp keledi. Sondaı-aq qa­ýymdastyq kásibı mamandardy memlekettik nemese jeke sektor­da eńbek etedi eken dep bóle-jar­maı, densaýlyq saqtaý uıym­darynyń basshylaryna qoldaý kórsetýge nıetti ekenin baıqatyp otyr.

Jıynda salanyń bilgir mamandary densaýlyq saqtaý salasynda kásibı bilikti, kóshbasshy ári menedjer maman qandaı bolýy kerek degen suraqqa jaýap izdeýge tyrysty. Sebebi medısına menedjerleriniń kásibı standarttaryna qatysty ereje-talapta osy eskertýler nazardan tys qalmaıdy.