Kollajdy jasaǵan – Qonysbaı ShEJIMBAI, «EQ»
О́reli ónerimen ózgelerden oq boıy ozǵan sahna sańlaqtary da sol sáıgúlikter sekildi. Jurt nazarynda júredi. Kópshiliktiń qoshemetin kóredi. Keıde sol boıyn býǵan talantynyń býyna shydamaı shym-shytyryq shyrǵalańǵa túsetini bar.
Talanttar taǵdyry tasada qalmaýǵa tıis. О́ıtkeni olar Otanymyzdyń mereıin ósiredi. Ultymyzdy ulyqtap, tórtkúl dúnıege tanytady.
Nemquraılyqtan nebir dúldúlderimizdiń orǵa jyǵylǵany – orny tolmas ókinish. Ataq-dańq «aýrýynan» azap shekken aıbozdarymyzdan aıyrylyp qalǵanda bir-aq es jııatynymyz qalaı? Adasqanǵa aqyl aıtar abyzdarymyz qaıda?
Taıaýda Youtube arnasynan áıgili tenor Amangeldi Sembın týraly habardy kórdim. Sońǵy suhbattarynyń birinde muńaıa aıtqan janaıqaıyn tyńdadym. Árıne, bul ánshiniń ónerbaıanyn Qalı Sársenbaı, Janarbek Áshimjan syndy jýrnalıstıka syrttandarynyń jazǵan dúnıeleri arqyly burynnan biletin edim. Alaıda ózegin órtegen ókinishterin onyń óz aýzynan estigende qalyń oıda qalady ekensiń. Osyndaıda Sheraǵańnyń «Sondaı bir juldyz bolǵan. Jabylyp júrip óshirgenbiz...» degen sherli sózi eriksiz eske túsedi.
«Jaraıdy, jastyqtyń áserinen jańylys basqan shyǵarmyn. Al teatrdan qýylǵanda myna bala qaıda ketti degen janashyr tabylmaǵanyn túsinbeımin. Dúrildegen shaǵymda arqamnan qaqqan ardaqty aǵalarymnyń bastan sıpap, baýyrǵa tartýdyń ornyna, sońdarynan ergen biz paqyrdy básekeles sanap, qyryn qaraǵandary qatty qynjyltty. Osynyń bári júıkemdi ábden juqartty. Qazir de júregim qan jylaıdy. Nege osylaı boldy?...» Máskeýdi moıyndatyp, La Skalanyń talǵampaz kórermenderin tamsantqan taý tulǵa osylaı opynady. Aqyry sahnany ańsaǵan saǵynyshyn basa almaǵan aǵamyz alpystyń asqaryna jeter-jetpesten ah urýmen ómirden ótti.
Syr-symbatymen, syńǵyrlaǵan daýsymen sahnamyzdyń sáni bolýǵa laıyq ekinshi bir dara daryn Juldyz Baımoldına da qyzǵanyshtyń qyzyl ıtine talanyp, operadaǵy oıyp alar ornynan erterek aıyrylǵanyna qalaı qapalanbassyń?
Budan úsh-tórt jyl buryn birneshe halyqaralyq konkýrsta top jarǵan belgili barıton Súndet Baıǵojın «Astana operamen» aıaqastynan qosh aıtysty. Sebebin ishimiz sezedi. Áıteýir jaı ketis emes. Keıinirek Qostanaı oblystyq fılarmonııasyn basqardy. Áıtse de áıgili ánshi sheneýniktik shekpenin tez sheshti. Búginde bul jigittiń qaıda ekeni maǵan beımálim. Árıne, qarap júrmegen bolar. Biraq mundaı zor múmkindikke ıe áıdik ártistiń orny úlken sahna ekeni talas týdyrmasa kerek.
Ras, talanttar keıde tarpań minez tanytady. Eline erkelep, erkindeý júrgisi keledi. Soǵan sirá, mádenıet mekemelerine jetekshilik etetin atqaminer azamattardyń túsinistikpen qaraǵany jón-aý.
Tulpardy tusamas bolar. О́ıtkeni óren júırikter qoraǵa qamap baǵar qoı torysy emes...
