Bul týraly syrtqy ister mınıstrliginiń resmı ókili Aıbek Smadııarov arnaıy brıfıng barysynda málimdedi. Onyń aıtýynsha, Qazaqstannyń Birikken Arab Ámirlikterindegi elshiliginiń qyzmetkeri Sáken Mamashqa qatysty is boıynsha qazir tıisti oryndar aınalysyp jatyr.
- Keńesshi bolǵan adam 6 mamyrda Qazaqstanǵa ushyp keldi. 9 mamyr kúni shekaradan ótkennen keıin qoldanystaǵy zańnamaǵa sáıkes qyzmetinen bosatyldy. Quqyq qorǵaý organdary onyń ústinen is qozǵaǵany málim boldy. Bul is týraly aqparat bizge belgisiz. Onyń áıeli Karınamen kezdesip, mán-jaı týraly sóılestik. Biz oǵan barynsha qoldaý kórsetemiz, - dedi ókil Aıbek Smadııarov.
Onyń aıtýynsha, elshilikterde jumys isteıtin barlyq qyzmetkerler shetelge shyqqanda arnaıy komıssııadan jyl saıyn ótip otyratyn kórinedi.
