«Respýblıkalyq fıtosanıtarlyq dıagnostıka jáne boljamdar ádistemelik ortalyǵy» RMM Kegen aýdandyq fılıalynyń aldyn ala málimetterine sáıkes Kegen aýdanynda 2900 gektar aımaqqa raps japyraq jemiri taralǵan. Kegen aýdany ákiminiń orynbasary Muhtar Batyrhanulynyń aıtýynsha, Aýyl sharýashylyǵy mınıstrligi arqyly aýdanǵa dári shashatyn 2 traktor qurylǵylarymen jáne sý tasıtyn kólik jetkizilip, ýlaý sharasy atqaryldy.
Qazir Qarabulaq aýyldyq okrýginde 2850 gektar egistik alqap bar, onyń 395 gektary ıgerilip jatyr. Aýyldyq okrýg turǵyndarynyń jáne sharýa qojalyqtarynyń qarajaty esebinen 1200 gektar jerdi dárileý josparlanyp, búginde 200 gektar jer dárilengen. Almaty oblysy ákimdiginiń kómegimen 500 gektar jerdi zalalsyzdandyrýǵa arnaıy tehnıka men dári jetkizilip, Qarabulaq, Jalaǵash aýyldyq okrýgterine qarasty egis alqaptaryna sebilgen. Sonymen qatar sharýa qojalyǵy tóraǵalarynyń jáne aýyl azamattarynyń óz qarajaty esebinen 1000 gektar jer telimin óńdeý jumystary uıymdastyrylǵan.
Alaıda raps japyraq jemiri Kegen aýdanyndaǵy aýyldyq okrýgter aýmaǵynda ǵana emes, jýyrda Uıǵyr aýdanynda da paıda boldy. Qaradala tósinde órgen qara qurt alaqandaı jermen kúneltip otyrǵan sharýalardy shoshytty. Aýdan ákiminiń orynbasary Dastan Qudabaevtyń uıytqy bolýymen Qyrǵyzsaı, Úlken Aqsý, Shonjy aýyldyq okrýgterine tıesili jaıylymdyq jerlerdi jaılaǵan zııankesterdi zalalsyzdandyrý jumystarymen sala mamandary, sharýashylyq ıeleri birlese aınalysyp jatyr.
Aýyl sharýashylyǵy mınıstrligi Agroónerkásiptik keshendegi memlekettik ınspeksııa komıtetiniń Almaty oblystyq aýmaqtyq ınspeksııasy basshysynyń orynbasary Darhan Ábilǵazıevtiń aıtýynsha, Úkimet esebinen hımııalyq óńdeý jumystaryna qarajat mamandanǵan zııandy organızmderge qarastyrylmaǵan, sondyqtan ár jeke nemese zańdy tulǵa óz kúshimen óńdeý jumystaryn júrgizýge tıis.
«Máseleniń týyndaýyna sharýa qojalyqtarynyń jer óńdeý sharalaryn ýaqtyly júrgizbeýiniń de áseri joq emes. Aýmaqtyq ınspeksııa – ósimdikterdi qorǵaý jáne ósimdikter karantıni salasyndaǵy retteýshilik, iske asyrý jáne baqylaý-qadaǵalaý, sondaı-aq strategııalyq fýnsııalardy oryndaýǵa qatysady. О́simdikterdi qorǵaý salasyndaǵy memlekettik saıasattyń negizgi mindeti – memlekettiń azyq-túlik qaýipsizdigi men qolaıly fıtosanıtarııalyq ahýaldy qamtamasyz etý. Aýyl sharýashylyǵy daqyldarynan joǵary, sapaly ónim alýdyń bir bólshegi – ósimdikterdi zııankesterden, aýrýlardan jáne aramshópterden qorǵaý. El aýmaǵynda jaıylymdar men aýyl sharýashylyǵy daqyldaryna zııankesterdiń 50-ge jýyq kópqorekti, ıaǵnı qorek talǵamaıtyn jáne 100-den asa mamandaǵan túri, ósimdikterdiń 70-ke jýyq aýrýy jáne 120-dan asa aramshóp zııanyn tıgizedi. Zııandy organızmder mádenı daqyldardyń tek qana ósip-óný kezinde ǵana emes, sonymen qatar olardy saqtaý kezinde jáne olardan alynǵan daıyn ónimderge de zaqym keltiredi», deıdi.
Aıtýynsha, Almaty oblysynda karantın nysanynyń 8 túri tirkelgen, olar – ońtústikamerıkalyq qyzanaq kúıe kóbelegi, kalıfornııalyq qalqanshaly symyry, shyǵys jemis jemiri, qońyr mármár qandala, aramshópterden jataǵan ý kekire, jýsanjapyraqty oıranshóp, aramsoıaý jáne bakterııalyq jemis aǵashynyń kúıigi aýrýy.
Atalǵan karantın nysandaryna qarsy memlekettik ınspektorlar tarapynan sharýashylyqtar men quzyrly mekemelerge tıisti is-sharalar júrgizý jóninde nusqamalar beriledi. О́tken jyly 95 nusqama jáne 125 usynym hat berilgen.
Maman sonymen qatar óńirdegi shegirtkege qarsy kúres sharalary týraly da aıtyp ótti.
«Almaty oblysy boıynsha respýblıkalyq bıýdjet esebinen erekshe qaýipti shegirtke tektes zııankesterge qarsy bıyl júrgiziletin óńdeý jumystarynyń aldyn ala boljam kólemi – 67,654 myń gektar, onyń ishinde azııalyq shegirtkege – 10,040 myń gektar, al ıtalııalyq prýsqa qarsy hımııalyq óńdeý kólemi 57,614 myń gektarǵa josparlanyp otyr. Osy jyly asa qaýipti úıirli shegirtke zııankesterine qarsy jumystarǵa 10 jerústi tehnıkasy, 1 jeńil ushaq, 3 asa jeńil ushaqtardyń qatystyrylýy josparlanyp otyr. Oblys boıynsha jergilikti bıýdjet esebinen saıaq shegirtkege qarsy 2024 jyly júrgiziletin óńdeý jumystarynyń aldyn ala boljam kólemi 41,589 myń gektar bolyp bekitildi. Monıtorıng qorytyndysyna sáıkes Almaty oblysy boıynsha asa qaýipti úıirli shegirtkelerdiń taralǵan aımaqtarynyń arnaıy kartasy jasaldy», deıdi.
Almaty oblysy
