Foto: Elaman Týrysbekov/ Kazinform
Forýmdy AQSh halyqaralyq damý agenttigi (USAID) ótkizedi. Bul yntymaqtastyqty, kásipkerlikti jáne saýda saıasatyn ilgeriletýge baǵyttalǵan aımaqtyń jetekshi saýda is-sharalarynyń biri.
Almaty qalasyna Ortalyq Azııadaǵy saýdany damytý múmkindikterin zertteý úshin Azııa, Eýropa, Taıaý Shyǵys, Ulybrıtanııa jáne AQSh elderinen 300-den astam bıznes pen úkimet ókilderi jınaldy. Forým otyrystarynda sıfrlandyrý, kólik, logıstıka, prosedýralardy úılestirý, saýdany retteý, dúnıejúzilik saýda uıymynyń standarttary, sondaı-aq Ortalyq Azııadaǵy saýdanyń damýyna kedergi keltiretin faktorlardy talqylaý úshin sessııalar uıymdastyryldy.
«Biz on jyldan astam ýaqyt buryn saýda yntymaqtastyǵyn arttyrý turaqty, gúldengen jáne ózara baılanysty Ortalyq Azııany qura alady degen senimmen dúnıege kelgen osy forýmdy qoldaıtynymyzdy maqtan tutamyz», dedi Vashıngton qalasynan kelgen USAID ákimshi kómekshisiniń aǵa orynbasary Zeınah Salahı.
Qazaqstan Respýblıkasy Saýda jáne ıntegrasııa vıse-mınıstri Qaırat Tórebaev forýmnyń basty mindeti aımaqtaǵy múmkindikter men problemalardy ashyq dıalogta baǵalaý ekenin atap ótti.
«О́zderińiz biletindeı, Ortalyq Azııa elderi teńizge shyǵa almaıtyndyqtan, aımaqishilik saýda úlken ról atqarady. Saýda – kez kelgen eldiń ekonomıkalyq damýynyń negizgi faktorlarynyń biri. Munda qatysýshylar saýdany, ınfraqurylymdy, elektrondy kommersııany talqylaıdy, sonymen qatar elder boıynsha belgili bir taqyryptyq sessııalar bar», dedi Qaırat Tórebaev.
Ortalyq Azııa saýda mınıstrlikteri quny 32 mıllıon dollardan asatyn kelisimsharttarǵa qol qoıýǵa yqpal etti, sondaı-aq is-sharaǵa 25 elden 10 myńnan astam memlekettik jáne kommersııalyq qurylymdardyń ókilderi qatysty.
Qyrmyzy JUMAǴALIQYZY,
EUÝ stýdenti
