Foto: kaz.zakon.kz
Densaýlyq saqtaý mınıstrligi usynǵan resmı derekke súıensek, eldegi medısınalyq uıymdarda 190 myńnan asa orta medısına qyzmetkeri jumys isteıdi. Onyń ishinde 54 myńnan asa qyzmetker aýylda eńbek etedi. Rasynda, orta býyn mamandardyń densaýlyq saqtaý salasynyń bastapqy sektoryndaǵy jumysyna baǵa jetpeıdi. Medısınalyq kómektiń sapasy da kóp jaǵdaıda medbıkelerdiń jumysyna tikeleı baılanysty. Olar mekemede medısınalyq tártiptiń saqtalýyn baqylap, emshara júrgizedi. Pasıenttiń dári-dármekti ýaqtyly qabyldaýyn qadaǵalaıdy, otaǵa daıyndaıdy. Buǵan qosa kúrdeli emdik-profılaktıkalyq is-sharalardy júrgizedi. Medbıke bolý degen kásibı sheberlikti ǵana emes, sonymen qatar sabyrly bolýdy, stress ataýlyǵa tózimdi bolýdy qajet etedi.
Mınıstrlik usynǵan taǵy bir aqparat boıynsha, naýqastarǵa kórsetiletin qamqorlyqtyń 80%-y medbıkelerge júkteledi. Ásirese, aýyldyq jerlerde jumys isteıtin mamandarǵa salmaq túsedi. Sala mamandary jańa týǵan nárestelerden bastap, qarttarǵa kútim jasaýǵa deıingi medısınalyq kómektiń tolyqtaı qamtamasyz etedi. Turǵyndardyń densaýlyǵyn qadaǵalap otyrady. Mereke qarsańynda óńirlerdegi Densaýlyq saqtaý basqarmalary, medısına mekemeleriniń basshylary medbıkelerdi quttyqtap, syı-qurmet kórsetti.
Ataýly kún qarsańynda Densaýlyq saqtaý mınıstri Aqmaral Álnazarova medbıkelerdi quttyqtap, lebizin bildirdi.
«Meıirgerler Qazaqstannyń densaýlyq saqtaý júıesindegi eń kóp kásibı toptardyń birin quraıdy. Ýaqyt talaptaryna sáıkes orta medısına qyzmetkerleriniń emdeý úderisine qatysýy artyp keledi. Pasıenttiń densaýlyǵy úshin kásibı jaýapkershilik sııaqty fýnksıonal keńeıýde. Meıirgerlerimizdi kásibı merekelerimen quttyqtaımyn. Sizderdiń kúndelikti eńbekterińiz ben shydamdylyqtaryńyzdyń, qaıyrymdylyqtaryńyzdyń jáne kópjyldyq tájirıbelerińizdiń arqasynda pasıentterdiń densaýlyǵy jaqsaryp keledi», dedi mınıstr.
Osy kúni Astana qalasy Qoǵamdyq densaýlyq saqtaý basqarmasy basshysy Álııa Rústemova da sala mamandaryn kásibı merekemen quttyqtady.
«Medbıke tek kásibı maman ǵana emes, ol bizdiń zamanymyzdyń batyry dep aıtýǵa bolady. Búginde elordada 6 myńnan asa medbıke eńbek etedi. Olar adamgershiliktiń, kásibıliktiń jáne janashyrlyqtyń úlgisin kórsetip júr. Biz medbıkelerdi maqtan tutamyz. Olardyń ortaq ıgilikti iske qosqan eseli eńbegin baǵalaımyz. Pasıentter men áriptesteriniń rızashylyǵyna kenelgen sala mamandarynyń jumysyna tabys tileımiz», dedi Á.Rústemova.
Kásibı mereke qarsańynda meıirger isi mamandyǵyn meńgergen 350-den asa úzdik maman «Eńbek ardageri» medalimen, «Densaýlyq saqtaý isiniń úzdigi», «Densaýlyq saqtaý isine qosqan úlesi úshin» tósbelgisimen, qurmet gramotalary jáne alǵyshattarmen marapattaldy.
