Mańǵystaýda záıtún aǵashy ósedi

Qazirgi tańda Mańǵystaýda záı­tún aǵashyn ósirý boıynsha qanat­qaqty joba júzege asyp jatyr. Bul – óńir agroónerkásip keshe­nindegi iri ınvestısııalyq jobalardyń biri. Mańǵystaýdaǵy záıtún plantasııasy Quryq aýylynda ornalasqan, egilgen 2 myń záıtún aǵashy tamyr jaıdy. Mamandar olardyń tamyr jaıýyn aýa raıynyń qıyn jaǵdaıyna beıimdelýi dep túsindiredi. Záıtún aǵashyn otyrǵyzý tek atalǵan aýdan aýmaǵynda emes, ózge aýdandarda da júzege asyrylady. Osy maqsatta qolaıly jer telimin bólý máselesi talqylanyp jatyr. Birneshe apta ishinde oblystyń ózge aýdandaryna myńdaǵan kóshet jiberý josparlanǵan.

Aımaq basshysy Nurlan Noǵaev­pen kezdesýde Halyqaralyq záıtún ke­ńe­siniń prezıdenti Georgıı Sva­nıdze men Grýzııanyń Ekonomıka jáne tu­raqty damý vıse-premer-mınıstri­niń ke­ńesshisi Jaqyp Marabaev ınves­tısııalyq joba men plantasııa týraly aıtty.

Halyqaralyq záıtún keńesiniń prezı­denti Georgıı Svanıdze kezdesýge qa­tysýshylardy Grýzııadaǵy záıtún óndirý jáne óńdeý ónerkásibimen tanystyryp, sondaı-aq Qazaqstandaǵy bul salanyń kezeń-kezeńimen damý úderisi týraly atap ótti. О́ńdeý zaýytyn iske qosý, otan­dyq záıtúndi shetelge eksporttaý úshin qajetti halyqaralyq sertıfıkat alý josparda bar.

– Jergilikti atqarýshy organdardyń belsendi qoldaýy arqyly Qazaqstanda záıtún mádenıetin damytýdyń orasan zor áleýetin kórip otyrmyz. Bul jańa jumys oryndaryn ashyp qana qoımaı, eksporttyq bolashaǵy bar kásipkerlikti damytýdyń qozǵaltqyshyna aınalady. Záıtún maıy jaı ónim emes, bul – densaýlyq pen uzaq ómir súrý­diń qaınar kózi. Osy aımaqtyń erekshe jaǵdaılarynyń arqasynda qazaq­standyq záıtún maıy álemdegi eń úzdikterdiń birine aınalatynyna senimdimiz, – dedi Halyqaralyq záıtún keńesiniń prezıdenti Georgıı Svanıdze.

Ol Grýzııanyń Qazaqstanda záıtún ós­irýdegi bilimi, tájirıbesi jáne ınno­vasııalary týraly aıtýǵa daıyn eke­nin, Qazaqstanǵa záıtún maıynan túse­tin álemdik kiristiń 90%-yn, onyń saýda­synyń 74%-yn baqylaıtyn uıym Halyq­aralyq záıtún keńesine múshelikke ótýge kómektesetinin jetkizdi.

Mańǵystaý oblysynyń ákimi Nur­lan Noǵaev Memleket basshysynyń Qa­zaq­stannyń agrarlyq salasyna, zamanaýı agrarlyq ǵylymdy damytýǵa jáne agro­ónerkásip keshenine ınnovasııalardy belsendi engizýge úlken kóńil bólip otyr­ǵanyn atap ótti jáne úsh jyl ishinde agroónerkásip keshenindegi qaıta óńdeý ónimderiniń úlesin 70%-ǵa jetkizý mindeti qoıyldy.

Taraptar Mańǵystaý óńirinde jos­par­­lanǵan jobalardy júzege asyrý bo­ıyn­sha jumysty jalǵastyrýǵa kelisip ta­ra­dy.

Mańǵystaý oblysy