Foto: Oqý-aǵartý mınıstrligi
IBO-2024 bıylǵy jyldyń 7-14 shildesi aralyǵynda Nazarbaev ýnıversıteti bazasynda teorııalyq jáne 4 praktıkalyq týr (bıohımııa, molekýlalyq bıologııa, bıoınformatıka, janýarlar anatomııasy jáne fızıologııasy) boıynsha ótkiziledi.
Qazaqstannyń jas ǵalymdary men ótken halyqaralyq olımpıadalardyń jeńimpazdarynan turatyn IBO-2024 ǵylymı komıteti praktıkalyq jáne teorııalyq týrlarǵa tapsyrmalar ázirlep, osy jyldyń naýryz aıynda stress-test júrgizdi.
«Bıologııadan halyqaralyq olımpıadany joǵary deńgeıde ótkizý maqsatynda Qazaqstan Respýblıkasy Úkimetiniń birlesken qaýlysy qabyldandy. Álemniń 81 elinen kelgen oqýshylar elordanyń mádenı oryndaryn aralaıdy jáne Qazaqstannyń injý-marjany – Býrabaıǵa barady. Sondaı-aq komanda jetekshileri kásibı tájirıbe almasýǵa, olımpıadany uıymdastyrý men ótkizýge arnalǵan semınarlar men konferensııalarǵa qatysa alady», deıdi «Daryn» RǴPO dırektory Ǵajdembek Tursynov.
Bıologııa páninen halyqaralyq olımpıada (IBO) – álem elderiniń joǵary synyp oqýshylary arasyndaǵy eń aýqymdy jarys. Qazaqstan oqýshylary ǵylymı jarysqa 1996 jyldan beri qatysyp keledi. Osy ýaqyt ishinde olar 2 altyn, 20 kúmis, 54 qola medal jáne 14 Qurmet gramotasyn jeńip aldy, bul joǵary kórsetkish bolyp sanalady. Qazaqstannyń osyndaı bedeldi is-sharany ótkizý orny retinde tańdalýy da sondyqtan.
