Spektaklge Senat tóraǵasy Máýlen Áshimbaev bastaǵan bir top senator arnaıy bardy. Palata spıkeri teatr ártisteriniń sheberligin joǵary baǵalap, múmkindigi shekteýli azamattardy ortaǵa beıimdeýde, olardy ońaltýda ónerdiń atqaratyn róli zor ekenin aıtty. Sondaı-aq ol elimizde atalǵan sanattaǵy adamdardy qoldaýǵa eń joǵary deńgeıde basa mán berilip, bul baǵytta keshendi jáne júıeli jumys júrgizilip jatqanyn tilge tıek etti.
Sonymen qatar Senat spıkeri ózderiniń qajyr-qaıratymen barsha kórermendi jigerlendirip júrgen «Sensitive» bı ansambliniń ujymyna jáne jobanyń kórkemdik jetekshisi, talantty jastardyń darynyn shyńdap, olardy jańa jetistikterge jetelep kele jatqan Olga Rostovshıkovaǵa alǵys bildirdi.
Aıta keteıik, «Sensitive» teatry osydan 18 jyl buryn Petropavl qalasyndaǵy estý qabileti tómen balalarǵa arnalǵan mektep-ınternattyń bazasynda qurylǵan. Qazirgi tańda elimizben birge birqatar shet memlekette de aty málim bul óner ujymy kóptegen halyqaralyq baıqaý men festıvaldiń laýreaty.
